Дило, то кай ҳамеҷӯӣ маниро,
Чӣ дорӣ дӯст ҳарза душманеро?
Чаро ҷӯӣ вафо аз бевафое?
Чӣ кӯбӣ беҳуда сард оҳанеро?
Аё савсанбаногӯше, ки дорӣ,
Ба рашки хештан ҳар савсанеро.
Яке з-ин барзани нороҳ баршав,
Ки бар оташ нишонӣ барзанеро.
Дили ман арзане, ишқи ту кӯҳе,
Чӣ соӣ зери кӯҳе арзанеро?
Бибахшо, эй писар, бар ман бибахшо,
Макуш дар ишқ, хира, чун манеро.
Биё, инак нигаҳ кун Рӯдакиро,
Агар беҷон равон хоҳӣ танеро.
устод Рӯдакӣ
