Мавлоно Ҷалолиддин

Зи ҳамроҳон ҷудойӣ маслиҳат нест,
Сафар бе рӯшнойӣ маслиҳат нест!
Чу мулки подшоҳӣ дида бошӣ,
Пас аз шоҳӣ гадойӣ маслиҳат нест!
Шуморо бо шумо мехонад он ёр,
Шуморо ин шумойӣ маслиҳат нест!
Чу хони осмон омад ба дунё,
Аз ин пас бенавойӣ маслиҳат нест!
Дар ин матбаҳ,ки қурбон аст ҷонҳо,
Чу дунон нонрабойӣ маслиҳат нест!
Бигӯ он ҳирсу ози роҳзанро,
Ки макру баднамойӣ маслиҳат нест!
Чу подори бирав дасте биҷумбон,
Туро бедаступойӣ маслиҳат нест,!
Чу пойӣ ту намонад, пар диҳандат,
Ки бепар дарҳавойӣ маслиҳат нест!
Чу пар ёбӣ, ба суйӣ доми ҳақ пар,
Ки аз домаш раҳойӣ маслиҳат нест!
Ҳумои Қофи қурбӣ ай бародар,
Ҳуморо ҷуз ҳумойӣ маслиҳат нест!
Ҷаҳон ҷӯю сафо баҳру ту моҳӣ,
Дар ин ҷӯ ошнойӣ маслиҳат нест!
Хамуш бошу фанои баҳри Ҳақ шав,
Ба ҳанбози Худойӣ маслиҳат нест!