Эй сояи давлати сари ман,
Маҳбуби ба ҷон баробари ман,
Шаҳболам агар, ту шаҳпари ман,
Пушту қанатам, бародари ман.
Дидори ту чашми рӯшани ман,
Меҳри ту баҳору гулшани ман,
Эй маънии зинда будани ман,
Пушту қанатам, бародари ман.
Бе ту чӣ бувад ҳаëт?
Гарде,
Бе ту чӣ бувад нишот?
Дарде,
Эй қуввати дил ба гарму сардӣ,
Пушту қанатам, бародари ман.
То ҳаст ҷаҳон, Худо, ту бошӣ,
Бо бахти ҷавон, Худо, ту бошӣ,
Доим дар амон, Худо, ту бошӣ,
Эй сояи давлати сари ман,
Пушту қанатам, бародари ман.
