Шикасти ошкорои Кохи Сафед
Таҳлил
Ҷаҳон пирӯзиҳои Эронро тамошо мекунад ва ақибнишинии таҳқиромези душманонро мебинад
Дар лаҳзаҳое ки Ховари Миёна аз буи порут пур шудааст ва ҷаҳон бо тааҷҷуб шоҳиди таҳаввулоти барқосои Ҷумҳурии Исломии Эрон аст, Эрон бо қотеъият ва иродаи устувор, зарбаҳои пайдарпай ва шадидро ба самти режими саҳюнистӣ равона мекунад. Пойгоҳҳои низомӣ, низоми дифоъӣ ва марказҳои стратегӣ дар қалби Исроил як ба як зери оташи ғазаби Эрон месӯзанд, ва артиши зоҳирии ин режим ба ҷуз хомӯшӣ ва сардаргумӣ дигар посухе надорад.
Дар чунин шароит, Президенти Иёлоти Муттаҳида — Доналд Трамп — ки ҳамеша талош дошт бо забони таҳдид ҷаҳонро тарсонанда нишон диҳад, ин бор зери фишори воқеиятҳои майдон ба гирдоби зиддият ва нотавонӣ фурӯ рафт. Дар соатҳои аввали пас аз ҳамлаҳои дақиқи Эрон ба мавқеъҳои саҳюнистӣ, Трамп бо як паёми шитобкорона дар Twitter амри “холи кардани Теҳрон”-ро содир кард ва эълом дошт ки нерӯҳои ӯ ба самти Ховари Миёна ҳаракат доранд. Аммо ҳамон шаб, ба зуддӣ паёми худро тағйир дод ва навишт: “Мо танҳо пойгоҳҳои низомии худро тақвият медиҳем ва қасди ҳамла ба Эронро надорем.”
Ин тағйири мавқеъ на танҳо нишонаи нотавонии Кохи Сафед дар муқобили иродаи устувори миллати Эрон аст, балки шикасти ошкоро дар ҷанги равонӣ ва расонаӣ алайҳи Ҷумҳурии Исломӣ маҳсуб мешавад. Амрико, ки ҳамеша худро қудрати бечунучаро нишон медод, имрӯз маҷбур шудааст аз паси деворҳои бетонии пойгоҳҳояш бо тарс аз вокуниши Эрон, ба мавқеи дифоӣ ақибнишинӣ кунад.
Режими саҳюнистӣ, ки рӯзе орзуи “аз Нил то Фурот”-ро дошт, имрӯз дар фикри зинда мондан аст. Соҳаи ҳавоии Тел-Авив ва Ҳайфа зери сояи паҳподҳо ва мушакҳои дақиқи эронӣ қарор дорад ва гурехтани сарбозони саҳюнистӣ аз манотиқи марзӣ ба як амри маъмул табдил ёфтааст. Афкори умумии ҷаҳонӣ, ки то дирӯз гирифтори таблиғоти расонаҳои ғарбӣ буд, имрӯз акси ҳақиқатро аён мебинад: Эрон — ягона кишвари мустақил дар баробари империяи дурӯғ — на танҳо истодагарӣ кардааст, балки дар ҳоли бознависии муодилаҳои минтақа мебошад.
Ва ҳамин тавр, бо амали воқеӣ ва на бо шиор, муодилаи боздорандагӣ ба фоидаи меҳвари муқовимат тағйир ёфтааст ва душманони Эрон як ба як аз мавқеи таҳдид ба мавқеи илтиҷо ва ақибнишинӣ рӯ овардаанд.
(Манбаъ: Фейсбук, сафҳаи шахсии Нигина Шерзодова)
Тоҷнек
