Дастгирии 700 муздури Исроил дар Эрон
Ахбори байналмилал
Беш аз 700 нафар аз ҷосусони вобаста ба режими саҳюнӣ тайи 12 рӯзи гузашта тавассути нерӯҳои амниятии Эрон дар ин кишвар дастгир шуданд.
Ба гузориши “Ҳамшаҳрӣ”, аз оғози ҳамлаи Исроил ба Эрон, шабакаи ҷосусии режими саҳюнистӣ ба шиддат дар ин кишвар фаъол шуд, нерӯҳои иттилоотӣ ва амниятии Эрон тайи 12 рӯз муваффақ шуданд беш аз 700 тан аз ононро дастигар кунанд.
Бар асоси ин гузориш, муздурҳо, ки умдатан дар қолаби шабакаҳои ҷосусӣ ва харобкорона фаъолият мекарданд, бар асоси гузоришҳои мардумӣ ва амалиётҳои иттилоотӣ шиносоӣ ва боздошт шудаанд.
Тибқи ин гузориш, бештарин мавориди дастгирӣ марбут ба устонҳои Кирмоншоҳ (126 ҷосус), Исфаҳон (76 ҷосус), Хузистон (62 ҷосус), устони Форс (53 ҷосус) ва Луристон (49 ҷосус) будааст, албатта омори дастгирӣ дар устони Теҳрон ҳанӯз ба сурати дақиқ эълом нашудааст.
Аз ҷумлаи иқдомоти ин ҷосусҳо, метавон ба ҳидоят ва контроли резпарандаҳо ва паҳподҳои интиҳорӣ, сохти бомбҳои дастсоз, тасвирбардорӣ аз марокизи ҳассоси низомӣ ва ирсоли иттилоот ба артиши режими саҳюнистӣ будааст.
Бар асоси ин гузориш, танҳо дар пойтахт беш аз 10 ҳазор резпаранда тайи рӯзҳои ахир кашфу забт шудааст.
Дар ҳамин робита, дастгоҳи қазоии Ҷ.И.Эрон эълом кард, ки тайи ду ҳафтаи гузашта, ҳукми эъдоми се ҷосуси Исроил бо номҳои Маҷиди Мусайибӣ, Исмоили Фикрӣ ва Муҳаммадамини Маҳдавии Шоиста иҷро шудааст.
Тоҷнек
