Сафири Эрон: “Эҳтимоли партоби паҳподҳои исроилӣ аз Ҷумҳурии Озарбойҷон дар ҳоли баррасӣ аст”
Байналмилал
Сафири Ҷумҳурии Исломии Эрон дар Арманистон ҳушдор дод, ки дар сурати таъйиди истифодаи Исроил аз фазои сарзаминии Ҷумҳурии Озарбойҷон барои таҷовуз ба хоки Эрон, Теҳрон ин иқдомро нақзе ҷиддӣ талаққӣ хоҳад кард ва интизор дорад Боку посухи расмӣ ва шаффоф ироа диҳад.
Сафири Ҷумҳурии Исломии Эрон дар Арманистон, Маҳдӣ Субҳонӣ гуфт, ки Теҳрон дар ҳоли анҷоми таҳқиқот аст, то мушаххас шавад, оё паҳподҳои исроилӣ дар ҷараёни ҷанги 12-рӯза, аз хоки Ҷумҳурии Озарбойҷон барои таҷовуз ба Эрон истифода карданд ё хайр.
Ӯ гуфт, ки “бархе иттилоот ва гузоришҳоеро, ки тавассути манобеъи хоссе мунташир шуда таъйид намекунем… Пас аз равшан шудани тамоми шароит, дар бораи вокуниши худ ба ин мавзӯъ тасмимгирӣ хоҳем кард.”
Субҳонӣ бо баён ин ки “агар собит шавад паҳподҳои исроилӣ аз хок ё ҳарими ҳавоии Ҷумҳурии Озарбойҷон истифода карданд, ин амр ба унвони нақзи ҷиддӣ талаққӣ хоҳад шуд”, афзуд: “Мо иҷозаи истифода аз хоки Эрон барои чунин аҳдоферо надодаем. Агар воқеан Ҷумҳурии Озарбойҷон чунин иҷозае дода бошад, бояд мутобиқи қавонини байналмилалӣ тавзеҳ ироа кунад.”
Вай таъкид кард, ки “интизор дорем, дар сурати таъйиди истифода аз ҳарими ин кишвар, давлати Ҷумҳурии Озарбойҷон ба сурати расмӣ шаффофсозӣ кунад.”
Ӯ ҳамчунин дар конфронсе хабарӣ дар Арманистон гуфт, ки Теҳрон аз Боку ҳам хоста, то таҳқиқоти ҷомеъе дар хусуси эҳтимоли таъаррузи паҳподҳо ва резпарандаҳои режими саҳюнистӣ ба осмони Эрон аз тариқи фазои сарзаминии Ҷумҳурии Озарбойҷон анҷом диҳад ва ахбор дар ин хусусро ростиозмоӣ кунад, ки ин мавзӯъ дар тамоси телефонии ахири Пизишкиён бо Алиев матраҳ шуд. Вай афзуд, вокуниши Эрон умдатан ба натоиҷи ин таҳқиқот бастагӣ дорад.
Субҳонӣ ҳамчунин дар ишора ба тамоси телефонии ахир байни руасои ҷумҳури ду кишвар гуфт, ки Боку ба Теҳрон итминон дода, ки иҷоза нахоҳад дод хоки ин кишвар алайҳи Ҷумҳурии Исломии Эрон истифода шавад. Бо ин ҳол, ӯ бар ғайриқобили пешбинӣ будани рафторҳои режими саҳюнистӣ таъкид кард ва гуфт: “Ҳама медонем, ки режими Исроил ба ҳеч қавонин ё муқаррароте пойбанд нест. Мумкин аст аз ин вазъият суистифода карда бошанд, аммо қабл аз ҳар арзёбӣ ба иттилооти дақиқ ниёз дорем.”
Тоҷнек
