Либерман исрор дар тағйири низом дар Эрон дорад
Вазири ҷанги пешини Исроил: “Ин бор Эрон ба мо ҳамлаи пешдастона хоҳад кард”
Байналмилал
Авигдор Либерман, вазири ҷанги пешини Исроил, ҳушдор дод, ки Эрон “шефтаи интиқом” аст ва гуфт, ин бор ин эрониҳо хоҳанд буд, ки ба Исроил ҳамлаи пешдастона хоҳанд кард.
Ба гузориши пойгоҳи исроилии Times of Israel, Либерман, вазири ҷанги пешин ва раиси ҳизби “Исроил байтуно” (Исроил, хона мо) гуфт, Исроил “чораи дигаре” ҷуз ҳамлаи муҷаддад ба марказҳои ҳастаӣ ва мушакии Теҳрон надорад ва афзуд, ки агар ӯ нахуствазир буд, ба Мусод (Созмони ҷосусии Исроил) мегуфт, ки барои тағйири режим дар Эрон талош кунад.
Либерман гуфт, ки интиқом “тамоми чизе аст, ки раҳбарии Эрон ба он фикр мекунад.”
Вай афзуд: “Ман метавонам ҳамон чизеро ба шумо бигӯям, ки арзёбиҳои иттилоотӣ ва мақомот дар мавриди қобилиятҳои ҳастаии Эрон пас аз ҳамалоти Исроил ва Омрико мегӯянд ва ҳамаи онҳо аз ҳудуди як то ду сол барои Эрон сӯҳбат мекунанд, то барномаи ҳастаии худро бозсозӣ кунад.
Либерман гуфт, дар ҳоле, ки ҷоҳталабиҳои ҳастаии Теҳрон ҳамчунон як мушкил хоҳад буд, “нигаронкунандатар ин аст, ки тамоми чизе, ки Эрон дар ҳоли ҳозир ба он меандешад, ҷанги интиқомҷӯёна алайҳи Исроил” аст.
Ӯ изҳор дошт: “Ин танҳо чизе аст, ки дар ҳоли ҳозир мавриди таваҷҷӯҳи онҳост. Ҷанги интиқомҷӯёна, ҳамин.”
Вақте аз Либерман пурсида шуд, ки оё фикр мекунад, ин ба маънои ҳамлаи дубораи Исроил ба Эрон аст, ӯ посух дод, ки “барои мо арзиш дорад, ки дубора аввалин зарбаро бизанем.”
Ӯ гуфт: “Ин бор, Эрон мехоҳад аввалин зарбаро ворид кунад.”
Вай ҳамчунин гуфт: “Ин фақат як теория нест”, ки Эрон дар ҳоли талош барои эҳёи барномаи ҳастаии худ аст ва он чи беш аз ҳама маро нигарон мекунад, мушакҳои болистик ҳастанд. Шумо дидед, ки ин ҷо чӣ иттифоқе афтод вақте фақат 26 мушак дар дохили Исроил фуруд омад ва мизони хасороте, ки эҷод кард.”
Ӯ идома дод: “Онҳо дар ҳоли омода шудан барои як ҳамлаи бузург ҳастанд” ва афзуд: “Эрон ҳазорон мушак дорад. Тасаввур кунед, агар фақат ба ҷойи бархӯрди 26 мушак, 260 мушак ба Исроил бархӯрд карда буд, чӣ навъ хасорате эҷод мешуд?”
Ин сиёсатмадори исроилӣ афзуд: “Мо чораи дигаре надорем ҷуз ин ки ибтидо ба Эрон ҳамла кунем. Агар ман дар мавқеияти нахуствазир Бенёмин Натонёҳу будам, ин коре буд, ки анҷом медодам. Умедворам, ин ҳамон чизе бошад, ки онҳо дар ҳоли барномарезӣ ҳастанд.”
Ӯ бо ин истидлол, ки тағйири комили низом дар Эрон танҳо роҳ барои итминон аз ин аст, ки Эрон дигар таҳдиди вуҷудӣ барои Исроил набошад, гуфт: “Ман ба Мусод мегӯям, ки барои як ҳадаф талош кунанд: тағйири режим.”
Тоҷнек
