Бомбборони Ғазза хашми наслҳои ояндаро шиддат мебахшад
Ахбори байналмилал
Ҳантер Байден: Нетаняҳу як ваҳшӣ аст
Ҳантер Байден, фарзанди президенти пешини ИМА Ҷо Байден, бо лаҳне шадид аз Бинёмин Нетаняҳу, нахуствазири Исроил, интиқод кард ва ӯро як «ваҳшии фирорӣ аз зиндон» номид, ки барои гурез аз муҳокима, ҷанги ҷадид алайҳи Эронро роҳандозӣ кардааст.
Ӯ дар як мусоҳиба бо “Канал 5” дар YouTube, бо таъкиди мавқеи мухолифи худ нисбат ба дахолати ИМА дар ҷанги Ғазза, аз мардуми Амрико хост то бар зидди ҳимояти беқайд ва шарт аз Исроил ва қатли омми мардуми Ғазза муттаҳид шаванд.
Ҳантер Байден гуфт: Мо аз ҳаққи вуҷуди Исроил ва Фаластин дифоъ мекунем, аммо наслкушӣ ва кӯчонидани иҷборӣ пазируфтани нест… Бомбаборони Ғаза ҳеҷ мушкилеро ҳал намекунад, балки танҳо хашми наслҳои ояндаро беш аз пеш шиддат мебахшад.
Ӯ ҳамчунин ба иддаоҳои такрории Нетаняҳу дар мавриди наздикии Эрон ба тавлиди силоҳи ҳастаӣ ишора кард ва гуфт: Аз соли 1996 то имрӯз ӯ ин иддаоро пайваста такрор мекунад ва ҳар дафъа иштибоҳ кардааст. Оё касе шубҳа дорад, ки ҳадафи асосии ӯ на амният, балки наҷоти худ аз зиндон аст?
Ҳантер афзуд, ки маҳбубияти Нетаняҳу дар худи Исроил ба 22 дарсад поин омадааст ва парлумони Исроил дар як ҳолати комили бебандуборӣ қарор дорад.
Ҳантер Байден: Нетаняҳу як ваҳшӣ аст
Тоҷнек
