Аллома Шарафуддин: Ҷиҳод алайҳи саҳюнистҳоро эълом кунед
байналмилал
Дархости муфтии аъзами Яман барои эъломи ҷиҳод алайҳи саҳюнистҳо
Муфтии Яман хитоб ба уламои кишварҳои ҳамсояи Фаластин: “Бояд даст ба кор шавед, хиёнати режимҳои ҳоким, шуморо аз масъулият ва амонате, ки дар баробари Худо ва мардум бар ӯҳда гирифтаед, мубарро намекунад”
Аллома Шамсуддин Шарафуддин, муфтии аъзами Яман, аз уламои уммати исломӣ хост, то фатвои вуҷуби ҷиҳод дар роҳи Худо барои кӯмак ба мардуми Фаластин алайҳи режими саҳюнстиро эълом кунанд.
Ба гузориши “Фаластин ал-явм”, Аллома Шамсуддин дар вокуниш ба ҷиноёти режими саҳюнистӣ алайҳи мардуми навори Ғазза ва кӯтоҳии давлатҳои арабии ҳамсояи Фаластини ишғолӣ дар қиболи ин фоҷеа, хостори судури фатвое дар вуҷуби ҷиҳод алайҳи саҳюнистҳо шуд.
Аллома Шарафуддин хитоб ба уламои кишварҳои ҳамсояи Фаластин тасреҳ кард: “Бояд даст ба кор шавед, хиёнати режимҳои ҳоким шуморо аз масъулият ва амонате, ки дар баробари Худо ва мардум бар ӯҳда гирифтаед, мубарро намекунад.”
Муфтии аъзами Яман пештар ҳам бо ҳушдор нисбат ба бетафовутии бархе уламои уммати исломӣ дар қиболи ҷиноёти режими саҳюнистӣ дар Ғазза, сукут дар ин заминаро хиёнате бузург ба Худо ва Паёмбари Акрам (с) донист ва бар лузуми ташдиди муқобила бо режими саҳюнистӣ таъкид карда буд.
Вай ҳамчунин аз иқдомоти миллати Яман дар ҳимоят аз Ғазза тақдир кард ва гуфт: “Мардуми Яман бо пайвастан ба амалиёти “Тӯфон ал-Ақсо”, масъулияти худро дар қиболи мардуми Ғазза ба беҳтарин шакл анҷом додаанд. Мо ба мардуми Ғазза мегӯем: шумо намоди муқовамат ва пирӯзии ин уммат ҳастед.”
Нерӯҳои мусаллаҳи Яман то кунун борҳо эълом кардаанд, ки то таваққуфи таҷовузот алайҳи Ғазза ва рафъи муҳосира аз он, ба ҳамалоти мушакӣ ва паҳподии худ алайҳи режими саҳюнистӣ ва муҳосираи дарёии он идома хоҳанд дод.
Тоҷнек
