Абдуллоҳ Нафисӣ: Бо вуҷуди гардиши озоди иттилоот дар Эрон, нуфузи исроилиҳо тааҷҷубовар нест
Ахбори байналмилал
Як устоди донишгоҳ ва таҳлилгари масоили сиёсии кувайтӣ мӯътақид аст, ки бо вуҷуди ҷараёни озоди иттилоот дар Эрон, ҷамъоварии иттилоот ва нуфузи Мусод дар Эрон тааҷҷубовар нест.
Абдуллоҳ Нафисӣ, устоди донишгоҳ ва таҳлилгари масоили сиёсии кувайтӣ – ки дидгоҳҳо ва мавозеъи зидди эронӣ низ дорад – гуфт: “Бо вуҷуди ҷараёни озоди иттилоот дар Эрон, ҷамъоварии иттилоот ва нуфузи Мусод дар Эрон тааҷҷубовар нест.”
Вай афзуд: “Эрон кишваре қавӣ аст ва ҳукумати он бисёр қудратманд аст, бо пуштвонае аз пойгоҳи иҷтимоии азим. Ин нуфуз ва ҷамъоварии иттилоот дар Эрон ба далели гардиши озоди иттилоот аст.»
Нафисӣ идома дод: “Дар Эрон 54 шабакаи телевизионӣ, 86 шабакаи радиоӣ ва 178 рӯзномаи субҳ вуҷуд дорад, ки ҳамаи ин расонаҳо иттилооти дохили Эрон ва вазъияти кишварро мунташир мекунанд. Донишмандони ҳастаии эронӣ бо ин расонаҳо мусоҳиба мекунанд ва масоили марбут ба онҳо мунташир мешавад. Бинобар ин, барои масъулини эронӣ ин сатҳ аз нуфуз тааҷҷубовар набудааст.”
Тоҷнек
