Яҳё – номи фармондеҳи шаҳид дар шиносномаи навзодони англис
Аз Ғазза то Ландан; Яҳё – номи фармондеҳи шаҳид дар шиносномаи навзодони англис
Ахбори байналмилал
Як нашрияи ангилисӣ гузориш кард, ки дар иттифоқе маънодор ва хабарсоз, номи Яҳё дар соли 2024 бештарин рушдро дар миёни номи навзодони писар дар Ангилис доштааст.
Нашрияи Jewish Chronicle гузориш кард, ки дар иттифоқе маънодор ва хабарсоз, номи Яҳё дар соли 2024 бештарин рушдро дар миёни номи навзодони писар дар Ангилис дошта ва бо ҷаҳиши 33 пиллаӣ, вориди феҳристи 100 номи бартар шудааст.
Бар асоси додаҳои расмии мунташиршуда, 583 навзоди писар дар Ангилис тайи соли гузашта Яҳё ном гирифтаанд; номе, ки имрӯз дар ҷаҳони ислом бо ёди Яҳё Синвор, фармондеҳи шаҳиди муқовимати Фаластин гиреҳ хӯрдааст.
Синвор, аз чеҳраҳои барҷастаи муқовимат дар Ғазза, ба унвони яке аз меъморони амалиёти “Тӯфон ал-Ақсо” дар 7 октябри 2023 шинохта мешавад; амалиёте, ки на фақат муодилоти режими саҳюнистиро дарҳам шикаст, балки умеди тозае дар дили миллаӣҳои мазлуми минтақа дамид. Яҳё Синвор, пас аз солҳо муҷоҳидат ва истодагӣ дар баробари ишғолгарӣ, саранҷом дар ҳамалоти сангини режими саҳюнистӣ ба Ғазза ба шаҳодат расид.
Бо вуҷуди талоши расонаҳои саҳюнистӣ барои таҳрифи виҷҳаи ин шаҳиди бузургвор, истиқбол аз номи Яҳё дар дили Ғарб, ҳомили паёме равшан аст: роҳи муқовимат, илҳомбахши қалбҳо ва наслҳост; ҳатто дар дили ҷомеаҳое, ки солҳо зери овори таблиғоти якҷониба қарор доштаанд.
Додаҳо нишон медиҳад, ки ин раванди номгузорӣ, дуруст аз январи 2024 оғоз шудааст, яъне танҳо чанд ҳафта пас аз амалиёти “Тӯфон ал-Ақсо” дар 7 октябр.
Бархе коршиносон бар ин боваранд, ки ин таҳаввул, танҳо як омори хушк нест, балки нишонае аст аз таъсири амиқ ва бевоситаи гуфтумони муқовимат бар афкори умумӣ, ҳатто он сӯйи марзҳо. Насле, ки имрӯз дар Ангилис бо номи Яҳё қад мекашад, шояд фардо ҳомили паёми истодагӣ дар баробари зулм ва ишғол бошад.
Тоҷнек
