Маҳмудхони Назмӣ
Маҳошир ва номоварон
Сайид Маҳмудхони Назмӣ (1826-1890), аз фуқаҳо ва шуарои шинохта ва соҳибдевони замони худ, падари Сайид Зуфархони Ҷавҳарӣ аст.
Ҳоҷӣ Неъматуллоҳи Мӯҳтарам дар бораи Сайид Маҳмудхони Назмӣ дар тазкираи худ менависад:
“Назмӣ тахаллуси олими олимон ва фозили маънишиносон, садрнишини хиттаи фасоҳати фаннӣ, барҳамзанандаи дағдағаи мову манӣ, Қозӣ Сайид Маҳмудхони Назмии Истаравшанӣ мебошад. Забони хомааш гавҳар, синаи номааш ҷавҳархез, нойи қаламаш раги гул, сарири номааш сари номаи булбул, волиди амҷади Зуфархон махдум мутахаллис ба Ҷавҳарӣ аст. Аз зумраи таломизи Олимхоҷаи Охунди Истаравшанӣ буда, дар Бухоро таҳсили камол карда, аз ҳақоиқи аксари улум ниқоби хифоро давонида, дар санаи 1309 ҳиҷрӣ ба олами бақо шитофт”.
(Тазкират-уш-шуаро, Мӯҳтарам, шаҳри Душанбе, соли 1975)
Тоҷнек
