Амрико илҳомбахши озодии баён нест
Гузориши ҷаҳонии демукросӣ: “Омрико дигар илҳомбахши озодии баён нест”
Ахбори байналмилал
Гузориши “Муассисаи байналмилалии демукросӣ ва ҳимоят аз интихобот” дар соли 2025 нишон медиҳад, ки озодии баён дар саросари ҷаҳон бо уфти шадиде рӯбарӯ шуда ва Омрико бо қарор гирифтан дар феҳристи “демукросиҳои дар ҳоли ақибгард”, нақши зиёде дар ин раванд доштааст.
Ба гузориши Guardian, “Муассисаи байналмилалии демукросӣ ва ҳимоят аз интихобот” (IDEA), мустақар дар Стокҳолм, дар гузориши солонаи “Вазъияти ҷаҳонии демукросии 2025” эълом кард, тайи 5 соли гузашта демукросӣ дар 94 кишвар тазъиф шуда ва танҳо ҳудуди як севвуми кишварҳо пешрафт доштаанд.
Ба гузориши ин муассиса, “Иёлоти муттаҳидаи Омрико, ки замоне пешгоми ҳимоят аз демукросӣ шинохта мешуд, дар соли ҷорӣ ба таври маҳсусе аз мушорикати диплумотик ва ҳимояти молӣ аз тарвиҷи демукросӣ костааст.”
Гузориш мегӯяд: “Ин коҳиш талошҳои ҷаҳонӣ барои густариши демукросиро тазъиф карда ва ниҳодҳои сиёсии дохилии Омрико ҳам бо намунаҳои фазояндаи ифрот дар қудрати иҷроӣ, дигар илҳомбахши тарафдорони демукросӣ нестанд.”
Ин муассиса ёдовар шуд, ки аз соли 2021, Омрико ба феҳристи “демукросиҳои дар ҳоли ақибгард” афзуда шудааст.
tajnek.com
Тоҷнек
