Амалиёти муваффақи муқовимати Сурия дар як пойгоҳи низомии Исроил
Байналмилал
Гурӯҳи муқовимати миллии Сурия (душанбе) масъулияти инфиҷори як бомб канори ҷоддае дар вурудии яке аз пойгоҳҳои низомии Исроил дар ҷануби Сурияро бар ӯҳда гирифт.
Ба гузориши шабакаи Ал-олам, муқовимати Сурия мегӯяд, пеш аз ин ки ин бастаи инфиҷориро кор бигузорад, таҳаррукоти низомиёни Исроил дар вурудии яке аз пойгоҳҳои низомии тозатаъсис дар атрофи Қунайтираро расад карда буд.
Ин гурӯҳи муқовимат ба давлати Ҷулонӣ ҳушдор дод, ки набояд нерӯҳои муқовиматро дар Даръо ва Қунайтира таҳти таъқиб қарор диҳад.
Муқовимати Сурия ҳамчунин ҳушдор дод, ҳар гуна иқдоми давлати Ҷулонӣ боиси бурузи рухдодҳое хоҳад шуд, ки на муқовимат хостори он аст ва на барои он барномарезӣ кардааст.
Дар ҳоли ҳозир, танишҳо дар минтақаи марзии Сурия ва Исроил ҳамчунон идома дорад ва гузоришҳое аз даргириҳои пароканда байни нерӯҳои муқовимати Сурия ва нерӯҳои исроилӣ мунташир мешавад.
Муқовимати миллии Сурия пеш аз ин ҳам аз ҳамлаи мустақим ба низомиёни режими саҳюнистӣ дар иртифоъоти Ҷабалушшайхи Сурия хабар дод.
Муқовимати Сурия таъкид кард, ки дар вокуниш ба “таҷовузоти мукаррари душмани саҳюнистӣ ба мардум Сурия ва талошҳои ин режим барои ишғоли сарзаминҳои ҷадид, бархе аз аносири мо дар муқовимати миллии Сурия, бо низомиёни душман дар доманаи Ҷабалушшайх мустақиман даргир шуданд ва чандин нафар аз онҳоро кушта ва захмӣ карданд.”
Ин гурӯҳ таъкид кард, ки нерӯҳои муқовимати Сурия омода ва дар камини артиши ишғолгар ҳастанд ва низомиёни саҳюнист аз дастраси қаҳрамонони мо дур нахоҳад буд.
tajnek.com
Тоҷнек
