Сафари дабири Шӯрои амнияти Тоҷикистон ба Ироқ
Дабири Шӯрои амнияти Тоҷикистон барои густариши ҳамкорӣ ба Ироқ рафт
Сафарҳои расмӣ
Ахбори минтақа
Ҳайате аз Ҷумҳурии Тоҷикистон таҳти роҳбарии Юсуф Раҳмон, дабири Шӯрои амнияти кишвар, бо сафари расмӣ вориди Ҷумҳурии Ироқ шуд.
Дар чорчӯби ин сафар мулоқоти расмие миёни Абдуллатиф Рашид, раиси ҷумҳури Ироқ ва Юсуф Раҳмон, дабири Шӯрои амнияти Тоҷикистон, баргузор гардид.
Тарафҳо дар ин дидор масъалаҳои марбут ба таҳкими ҳамкориҳои дуҷониба миёни Душанбе ва Бағдод дар бахшҳои сиёсӣ, амниятӣ ва ҳуқуқиро мавриди баррасӣ қарор доданд.
Ҳамзамон, дар мулоқот аз рушди муносибатҳои дӯстона миёни ду кишвар изҳори қаноатмандӣ карда ва омодагии тарафайн барои тавасеаи робитаҳои амниятӣ, мубориза бо терроризм ва мубодилаи таҷриба дар соҳаҳои ҳифзи қонун таъкид гардид.
Ба гуфтаи коршиносон, ин сафар метавонад оғози марҳалаи нави ҳамкориҳои амниятӣ ва дипломатӣ миёни Тоҷикистон ва Ироқ гардад.
tajnek.com
Тоҷнек
