Порлумони Исроил қонуни эъдоми асирони фаластиниро тасвиб кард
Ахбори байналмилал
Порлумони Исроил (Кнессет) рӯзи сешанбе, бо 39 раъйи мувофиқ ва 16 раъйи мухолиф, лоиҳаи қонуни ҷадидеро тасвиб кард, ки иҷозати эъдоми асирони фаластиниро пешбинӣ мекунад.
Ин иқдом, ки баҳсҳои густардаро дар сатҳи дохилӣ ва байналмилалӣ барангехтааст, ба гуфтаи нозирон метавонад боиси шиддат гирифтани танишҳо миёни Исроил ва гурӯҳҳои муқовимати фаластинӣ гардад.
Бар асоси ин қонун, додгоҳҳои Исроил метавонанд ҳукми эъдоми фаластиниёнро, ки ба иттиҳоми даст доштан дар ҳамлаҳо алайҳи исроилиён боздошт шудаанд, содир намоянд.
Тасвиби ин қонун бо вокунишҳои сахти созмонҳои ҳуқуқи башар ва гурӯҳҳои фаластинӣ рӯ ба рӯ шудааст. Онҳо ин иқдомро “қонуни зидди инсонӣ ва нақзи ошкори меъёрҳои байналмилалӣ” хондаанд.
tajnek.com
Тоҷнек
