Сафсатагӯӣ
Достони кӯтоҳ дар бораи сафсата
Ду шогирд аз устодашон пурсиданд: сафсата чист?
Устод каме фикр кард ва ҷавоб дод: гӯш кунед, мисоле мезанам, ду мард пеши ман меоянд: яке тамйиз ва дигаре касиф. Ман ба онҳо пешниҳод мекунам, ҳаммом кунанд. Шумо фикр мекунед, кадом як ин корро анҷом диҳанд?
Ҳар ду шогирд ҷавоб доданд: хуб, мусаллам аст, он ки касиф аст.
Устод гуфт: на, тамйиз ҳаммом мекунад, чун ӯ ба ҳаммом кардан одат намуда ва аммо касиф қадри онро намедонад.
Он гоҳ устод пурсид: пас чӣ касе ҳаммом мекунад?
Шогирдон гуфтанд: агар ин тавр аст, ки шумо мегӯед, пас тамйиз ҳаммом мекунад.
Устод ҷавоб дод: на, касиф ҳаммом меравад, чун ӯ ба ҳаммом эҳтиёҷ дорад.
Ва боз пурсид: хуб, пас кадом як аз ин ду ҳаммом мекунанд?
Ду шогирд гуфтанд: касиф ҳаммом мекунад.
Устод гуфт: аммо на, албатта, ки ҳар ду. Тамйиз ба ҳаммом одат дорад ва касиф ба ҳаммом эҳтиёҷ дорад.
Ва он вақт бори дигар пурсид: хуб, билохира кӣ ҳаммом мекунад?
Шогирдон бо сардаргумӣ ҷавоб доданд: ҳар ду.
Устод ин бор тавзеҳ медиҳад: на, ҳеҷ кадом. Чун касиф ба ҳаммом одат надорад ва тамйиз ҳам ниёзе ба ҳаммом кардан надорад.
Ин ду шогирд бо эътироз гуфтанд: бале дуруст аст, вале мо чӣ тавр метавонем ташхис бидиҳем? Ҳар бор шумо як чизро мегӯед ва ҳар дафъа ҳам дуруст аст.
Устод дар посух гуфт: хуб, пас мутаваҷҷеҳ шудед, ин яъне сафсата. Хоссияти сафсата баста ба ин аст, ки чӣ чизеро бихоҳӣ собит кунӣ.
Манбаъ: сойти Гулнавишта
tajnek.com
Тоҷнек
