Тазоҳурот дар Ҳинд дар эътироз ба ҳамлаи Амрико ба Венесуэла
Байналмилал
Тазоҳуроти мардумӣ дар Ҳинд дар эътироз ба рабуда шудани раиси ҷумҳури Венесуэла аз тарафи Амрико
Дар чанд шаҳри Ҳиндустон тазоҳуроти эътирозӣ алайҳи рафтори президенти Иёлоти Муттаҳидаи Амрико, Доналд Трамп, дар робита ба рабуда шудани раиси ҷумҳури Венесуэла баргузор гардид.
Ба гузориши манобеи маҳаллӣ, ширкаткунандагони тазоҳурот бо бардоштани шиорҳо ва плакатҳо иқдоми Амрикоро нақзи ошкори ҳуқуқи байналмилалӣ ва дахолат ба умури дохилии кишварҳои соҳибистиқлол арзёбӣ карданд. Эътирозгарон таъкид намуданд, ки боздошт ва интиқоли иҷбории раҳбари як давлат ба қаламрави кишвари дигар метавонад барои суботи ҷаҳонӣ паёмадҳои ҷиддӣ дошта бошад.
Тазоҳургарон ҳамчунин аз ҳукумати Ҳинд ва ҷомеаи байналмилалӣ хостаанд, ки нисбат ба чунин иқдомҳо мавзеи равшан ва масъулона ихтиёр намоянд ва аз принсипҳои истиқлолият, соҳибихтиёрӣ ва қонунҳои байналмилалӣ ҳимоят кунанд.
Тибқи иттилоъ, чорабиниҳои эътирозӣ асосан ба шакли осоишта баргузор шуда, неруҳои амниятӣ барои таъмини тартибот дар маҳалли тазоҳурот ҳузур доштанд. Мақомот то ҳол дар бораи ҳар гуна боздошт ё нооромиҳои ҷиддӣ гузориш надодаанд.
Ин тазоҳурот дар ҳоле баргузор мешавад, ки мавзӯи рафтори Иёлоти Муттаҳида нисбат ба Венесуэла дар рӯзҳои ахир вокунишҳои гуногунро дар сатҳи байналмилалӣ ба бор овардааст.
tajnek.com
Тоҷнек
