Тромп манзури аслиашро нисбат ба мардуми Эрон ошкор кард
Ахбори байналмилал
Раиси ҷумҳури Амрико – Доналд Тромп, ки беш аз як моҳ пеш худро ҳомии мардуми Эрон муаррифӣ карда буд, акнун дар изҳороти тоза иддао кардааст, ки дар сурати ҳамлаи Амрико «рӯзи бисёр баде дар интизори Эрон ва мардуми Эрон хоҳад буд».
Тромп қаблан бо ишора ба ҳимоят аз мардум, таҳаррукоти низомии кишварашро дар минтақаи Ғарби Осиё тавҷеҳ карда буд. Аммо изҳороти ахири ӯ бо вокунишҳои интиқодӣ рӯбарӯ шуда ва бархе нозирон онро нишонаи дугонагии гуфтор ва рафтори сиёсии Вашингтон арзёбӣ мекунанд.
Коршиносон бар ин назаранд, ки чунин баёнот метавонад ба ташдиди танишҳо дар минтақа бирасонад ва бар вазъи амниятӣ таъсири мустақим бигузорад. То кунун мақомоти Эрон ба ин изҳорот расман посух надодаанд.
tajnek.com
Тоҷнек
