Шоҳ Аббоси дувум , писари бузургаш “ шоҳи Сулаймон “ бар тахти салтанат нишаст . Вай вазири муқтадир ва кордоне ба номи Шайх Алӣ Хон Зангина дошт ки фармонравои ҳақиқии Эрон ба шумор мерафт ва чун шоҳи Сафавӣ хуши гузарон буд , ҳамаи корҳои мамлакатиро ӯ идора мекард .
Шайх Алӣ Хон шабҳо бо либоси мубаддил ба маҳаллот ва маконҳои ҳамагониву поёни шаҳр мерафт то аз авзоъи мамлакат бо хабар шавад . Бинноҳо ва коравонсароҳои бисёр зиёде ба фармон ӯ дар гӯша ва канори Эрон сохта шудааст ки имрӯз ба ғалат “ Шоҳ Аббосӣ “ номида мешаванд .
Шайх Алӣ Хон бо вуҷӯди қаҳри Шоҳ Сулаймон бо корҳои мамлакат, шахсияти худро ҳифз мекард ва таслими ҳавасбозиҳои ӯ намешуд .
Яке аз одоти Шоҳ Сулаймон ин буд ки дар маҷолиси хушгузаронӣ ва тараби шабона , ҳангоме ки сараш аз бодаи ноб гарм мешуд , деги караму бахшиш ӯ ба ҷӯш меомад ва барои раққосаҳо ва муғнёни маҷлис маблағҳои ҳангуфтӣ ҳавола содир мекард ки субҳ бираванд ва аз Шайх Алӣ Хон бигиранд .
Ҳангоме ки фардо , ҳаволаҳои содир шударо назди Шайх Алӣ Хон мебурданд , ӯ ҳамаро ба баҳонаи он ки чунин эътибор дар хазона мавҷӯд нест , бепосух мегузошт .
Аз он таърих аст ки иборат “ шоҳ мебахшад , Шайх Алӣ Хон намебахшад “ дар миёни мардуми истилоҳ шудааст .
