Шеъри зебо (ҳастиву нестӣ) аз девони Шамс, Мавлоно Ҷалолиддин Балхӣ :
Эй ашк, Оҳиста бирез ки ғам зиёд аст
Эй шамъ, оҳиста бисӯз ки шаб дароз аст
Имрӯз касе маҳрами асрори касе нест
Мо таҷриба кардем, касе ёри касе нест
Ҳар марди шутурдор Увайси Қаранӣ нест
Ҳар шишаи гулранг ақиқи яманӣ нест
Ҳар сангу гиле гавҳари ноёб наградад
Ҳар Аҳмаду Маҳмуд расули маданӣ нест
Бар мурда дилон панд мадеҳ ҳеши наёзор
Зеро ки Абӯҷаҳл мусалмон шуданӣ нест
Бо марди худо панҷа маяфкан чу Намрӯд
Ин ҷисми халил аст ки оташ заданӣ нест
Ҳушнӯд нашав душман агар кард муҳабат
Хандидани ҷаллод зи ширинсуханӣ нест
Ҷое ки бародар ба бародар накунад раҳм
Бегона барои ту бародар шуданӣ нест
Сад бор агар доя ба тифли ту диҳад шир
Ғофил нашав эй дӯст ки модар шуданӣ нест
