Паёми табрикии Эмомалӣ Раҳмон ба раҳбари ҷадиди Эрон Оятуллоҳ Сайидмуҷтабо Хоманаӣ
Эмомалӣ Раҳмон, раисиҷумҳури Тоҷикистон, интихоб шудани Оятуллоҳ Сайидмуҷтабо Хоманаиро ба унвони раҳбари Ҷумҳурии Исломии Эрон табрик гуфт.
Ба гузориши пойгоҳи иттилоърасонаии риёсати ҷумҳурии Тоҷикистон, дар ин пайми табрикӣ аз ҷумла омадааст:
“Бовар дорам, ки таҳти раҳбарии Ҷаноби Олӣ мардуми сарбаланди Эрон бар ҳама мушкилоте, ки имрӯз кишвари ба мо дӯсту бародар мувоҷеҳ шудааст, пирӯз хоҳад шуд.”
Вай афзудааст: “Мо нақши созандаи Ҷумҳурии Исломии Эронро дар таҳкими сулҳу суботи минтақа ва ҷаҳон муҳим арзёбӣ намуда, бори дигар ҷонибдории хешро аз риояи ҳатмии усул ва муқаррароти ҳуқуқи байналмилалӣ дар муносибатҳои байнидавлатӣ таъкид менамоем.”
Раҳмон ёдовар шудааст: “Бо табрики муҷаддад, омодагии ин ҷонибро барои таҳкиму тавсеаи беш аз пеши ҳамкориҳои судманди Тоҷикистону Эрон ба нафъи ду миллати бародар бо такя ба усули ҳусни эътимод ва эҳтироми ҳамдигарӣ изҳор медорам.
Бо истифода аз ин фурсат, ба Шумо сиҳҳатмандии комил ва тавфиқи рӯзафзун, ба мардуми бародари Эрон сулҳу субот ва шукуфоии пойдор орзумандам”.
