Эрон: Тангаи Ҳурмуз фақат барои Амрико ва муттаҳидонаш баста аст
Ахбори байналмилал
Ироқчӣ дар мусоҳиба бо Ал-арабӣ ал-ҷадид: Тангаи Ҳурмуз барои ҳама ҷуз Омрико ва муттаҳидонаш боз аст
Поёни ҷанг дар гарави тазмини такрор нашудани он ва пардохти хасорат аст
Сайидаббос Ироқчӣ, вазири хориҷаи Ҷумҳурии Исломии Эрон, имрӯз (якшанбе), дар мусоҳиба бо Ал-арабӣ ал-ҷадид гуфт:
“Раҳбари Инқилоб (Оятуллоҳ Сайидмуҷтабо Хоманаӣ) дар сиҳҳат ва саломатӣ ба сар мебаранд ва ба таври комил кишварро идора мекунанд.”
Вазири хориҷаи Ҷумҳурии Исломии Эрон таъкид кард, ки Омрико ва Исроил ҷангро оғоз карданд ва мо аз худ дифоъ мекунем ва танҳо ба пойгоҳҳо ва манофеи Омрико дар минтақа ҳамла мекунем.
Ироқчӣ афзуд: “Омрикоиҳо паҳподҳои мушобеҳи паҳподи “Шоҳид”-и мо сохтаанд бо номи “Лукос”, ки комилан мушобеҳи он аст ва аз тариқи он аҳдофе дар кишварҳои арабӣ мавриди ҳамла қарор мегирад.”
Вай хотирнишон кард, ки Эрон барои ташкили кумитаи таҳқиқи муштарак бо мушорикати кишварҳои минтақа дар мавриди манотиқе, ки мавриди ҳамла қарор гирифтааст, омодагӣ дорад.
Ироқчӣ дар мавриди миёнҷигарии кишварҳои минтақа ва шартҳои Эрон дар ин хусус гуфт:
“То кунун ҳеч ибтикори мушаххасе барои поён додан ба ҷанг матраҳ нашудааст, аммо аз ҳар гуна ибтикори амали минтақаӣ, ки боиси поён додан ба ҷанг ба сурати одилона бошад истиқбол мекунем. Албатта поёни ҷанг дар гарави тазмини такрор нашудани он ва пардохти хасорат аст”.
Қаламонлайн
