Эрон фиреби музокираро намехӯрад
5 шарти Теҳрон барои поёни ҷанг
Ахбори байналмилал
Ба гузориши хабаргузории Форс, як мақоми аршади сиёсӣ-амниятии Эрон, имрӯз ба хабарнигори PressTV гуфт:
“Эрон дар замоне, ки худ тасмим мегирад ва дар сурати таҳаққуқи шартҳое, ки худ таъйин мекунад, ба ҷанг поён хоҳад дод ва иҷозаи таъйини замони поёни ҷангро ба Тромп нахоҳад дод”.
Ба гуфта ин манбаъ, “Омрико аз тариқҳои гуногуни диплумотик, ба Эрон дархости музокира додааст ва пешниҳодҳоеро низ матраҳ кардааст, ки зиёдахоҳона буда ва мутобиқи воқеияти шикасти Омрико дар майдони ҷанг нест.
Эрон ин пешниҳодҳоро монанди ду навбати қабл арзёбӣ карда ва онҳоро фиребе барои афзоиши таниш медонад, зеро дар ҳар ду бори гузашта, Омрико қасди воқеии музокира надошта ва ба Эрон ҳамлаи низомӣ шудааст.
Эрон ба пешниҳоди Омрико, ки аз тариқи яке аз миёнҷигарони дӯст дар минтақа восил шуд, ҷавоби манфӣ дод ва омодааст, то ба дифоъ идома диҳад ва ба душман заработи сахте ворид кунад.
Ин дифоъ то замоне идома хоҳад дошт, ки ин шартҳо муҳаққақ гардад:
1 – Таҷовуз ва терур тавассути душман поён ёбад;
2 – Шароите айнӣ эҷод шавад, ки ҷанг бори дигар такрор нахоҳад шуд;
3 – Пардохти хасоратҳо ва ғаромати ҷанг тазмин шуда ва ба равшанӣ таъйини таклиф шавад;
4 – Хотимаи ҷанг дар ҳамаи ҷабҳаҳо ва дар мавриди ҳамаи гурӯҳҳои муқовимат, ки дар ин набард мушорикат доштанд, дар саросари минтақа ба иҷро дарояд;
5 – Эъмоли ҳокимияти Эрон бар тангаи Ҳурмуз ҳаққи табиӣ ва қонунии Эрон буда ва хоҳад буд ва низ тазмини иҷроӣ шудани таъаҳҳудоти тарафи муқобил аст ва бояд ба расмият шинохта шавад.
Ин шартҳои Эрон , ғайр аз мутолиботе аст, ки дар даври дуввуми музокирот дар Женев (чанд рӯз пеш аз ҳамлаи Омрико ва Исроил) ба тарафи муқобил ироа шудааст.
Эрон ба ҳамаи миёнҷигарон, ки бо ҳусни ният дар ин арса ҳозир шудаанд, эълом кардааст, оташбас замоне хоҳад буд, ки шартҳои Эрон пазируфта шавад ва то қабл аз он, ҳеч музокирае анҷом нахоҳад шуд.
Мо ба дифоъ аз худ идома медиҳем, то шартҳои мазкур муҳаққақ шавад ва Эрон ҷангро замоне поён медиҳад, ки худаш тасмим гирифта бошад ва на замоне, ки Тромп, барои поёни он дар назар дорад”.
Тоҷнек
