Axios: Ҷаласаи маҳрамонаи CENTCOM бо Исроил ва кишварҳои арабӣ алайҳи Эрон
Ахбори байналмилал
Axios дар гузорише навишт, ки фармондеҳони низомии Омрико, Исроил ва кишварҳои арабӣ дар бораи Эрон нишасти маҳрамонае баргузор карданд.
Тибқи ин гузориш, фармондеҳони аршади низомӣ аз Омрико, Исроил ва чандин кишвари арабӣ ҳафтаи гузашта дар Олмон гирди ҳам омаданд, то дар бораи ҷанг бо Эрон ва танишҳои густардатар дар минтақа гуфтугӯ кунанд.
Axios навишт: ин нишасти маҳрамона ба ибтикори дарёсолор Брэд Купер, фармондеҳи Ситоди Фармондеҳии Марказии Иёлоти Муттаҳида (CENTCOM) баргузор шуд.
Агарчӣ дар гузашта низ нишастҳои мушобеҳе баргузор шуда буд, аммо ин нахустин гирдиҳамоӣ аз ин даст аз замони оғози даргирии низомӣ миёни Иёлоти Муттаҳида ва Исроил бо Эрон дар беш аз шаш моҳ пеш ба шумор мерафт.
Бар асоси ин гузориш, илова бар Купер, раисони Ситоди муштараки артиши Исроил, Арабистони Саудӣ, Амороти Муттаҳидаи Арабӣ, Баҳрайн, Кувайт, Қатар, Ӯрдун ва Миср низ дар ин ҷаласа ҳузур доштанд.
Axios дар идомаи ин гузориш овардааст, ки мақомоти исроилӣ муддаӣ шуданд, ки ин кишвар сомонаи падофанди мушакии “Гунбади оҳанин” ва ҳамчунин кормандони лозим барои баҳрабардорӣ аз онро дар Аморот мустақар кард ва дар заминаҳои иттилоотӣ, назоратӣ ва шиносоӣ (ISR) кӯмакҳои лаҳзаӣ дар ихтиёри Аморот қарор дод.
Ин нишаст дар шароите баргузор шуд, ки Ансоруллоҳ ҳамалоти худ ба Арабистони Саудиро ташдид карда, дар майдони набард пешравиҳое дошта ва амалан контроли тангаи Бобулмандиб дар баҳри Сурхро ба даст гирифтаанд.
Бар асоси ин гузориш, Исроил ва Арабистони Саудӣ бо ҳамкории CENTCOM дар ҳоли гуфтугӯ дар бораи чигунагии ҳимояти Исроил аз амалиёти низомии Арабистон алайҳи Ансоруллоҳ ва ироаи кӯмакҳои иттилоотӣ, назоратӣ ва шиносоӣ (ISR) ҳастанд.
Тоҷнек
