Гуфтугӯи Эрон ва Амрико ба иддаои CNN
Байналмилал
CNN: Пешниҳоди давлати Тромп барои Эрон; аз 30 миллиард доллар барои сохти барномаи ҳастаии тавлиди энержии ғайринизомӣ то коҳиши таҳримҳо ва озодсозии миллиардҳо доллар аз пулҳои масдудшудаи Эрон
Ба гузориш CNN, давлати Тромп дар бораи кӯмаки эҳтимолӣ ба Эрон барои дастрасӣ ба маблағе то 30 миллиард доллар барои сохти барномаи ҳастаии тавлиди энержии ғайринизомӣ, коҳиши таҳримҳо ва озодсозии миллиардҳо доллар аз пулҳои масдудшудаи Эрон баҳс кардааст.
CNN навишт, бозигарони калидӣ аз Иёлоти Муттаҳида ва Ховари Миёна ҳатто дар миёни мавҷи ҳамалоти низомӣ дар Эрон ва Исроил тайи ду ҳафтаи гузашта, пушти парда бо эрониҳо гуфтугӯ кардаанд. Ин манобеъ афзуданд, ки ин гуфтугӯҳо пас аз тавофуқи оташбас дар ин ҳафта идома ёфтааст.
Тибқи ин гузориш, бархе аз ҷузъиёти ин тарҳ, тайи нишасти маҳрамона ва чандсоата дар Кохи Сафед миёни Стив Уиткофф, фиристодаи вежаи Омрико ва шарикони Омрико дар халиҷи Форс дар рӯзи ҷумъаи гузашта (як рӯз пеш аз ҳамлаи низомии Омрико ба Эрон) мавриди баррасӣ қарор гирифтаанд.
Бар асоси гузоришҳо, яке аз бандҳои ин тарҳ — ки пештар гузориш нашуда буд — сармоягузорӣ байни 20 то 30 миллиард доллар барои эҷоди як барномаи ҳастаии ғанисозӣ дар Эрон аст, ки танҳо барои аҳдофи ғайринизомӣ ва тавлиди энержӣ мавриди истифода қарор гирад.
Тоҷнек
