Қолибоф: Замину осмони Исроил дар ихтиёри мо буд
Байнамилал
Муҳаммадбоқири Қолибоф, раиси Маҷлиси Ҷ.И.Эрон дар суханоне баён кард: “Дар кишвар мумкин аст ихтилофи салиқа вуҷуд дошта бошад, аммо дар баробари таҳоҷуми хориҷӣ, ҳамаи мардуми Эрон якпорча ва муттаҳид шудаанд ва ин ваҳдат ҳамчунон идома дорад.”
Муҳаммадбоқири Қолибоф, раиси Маҷлиси Ҷ.И.Эрон, дар идомаи суханони худ гуфт: “Баъд аз чанд соат аз шурӯи ҷанг, қариб ба 150 мушак ва 350 паҳпод ба самти душман равона кардем. Аммо он чи ки беш аз ҳар чизе таъсиргузор буд, ҳузури мардум ва нақши фаъоли онҳо дар ин ҷанг буд.”
Вай афзуд: ”Ҳузури мардум дар ҷанги ахир масъулияти моро бештар кард ва нишон дод, ки асари ҳаракоти мардум аз асари мушакҳои мо бештар будааст. Мардум бо ҷону дил дар майдон буданд ва ин ҳамбастагӣ дар баробари душман, бисёр арзишманд буд.”
Қолибоф ҳамчунин ба лузуми эҳтиром ба мардум дар баландмуддат ишора кард ва гуфт: “Набояд ба мардуми кишвар нигоҳи якбор масраф дошта бошем, балки бояд ҳамвора ба тавонмандӣ ва нақши муассири онҳо таваҷҷӯҳ кунем.”
Муҳаммадбоқири Қолибоф, раиси Маҷлиси Ҷ.И.Эрон, дар суханоне гуфт: “Фармондеҳи кулли қуво (Оятуллоҳ Хоманаӣ) билофосила бо интисоби афроди ҷадид, ҳамаро аз шок хориҷ карданд ва ҳамчунон монанди соли 1359 (1980) дар утоқи ҷанг ҳузур доштанд. Эшон ҳамаи фармондеҳони ҷадидро тавҷеҳ карданд, то бо оромиш ва диққати бештар ба майдони ҷанг бипардозанд.”
Вай афзуд: “Режими саҳюнистӣ бо шунудҳои мухталиф ва токтикҳои хосси худ ҳамла кард ва моро ғофилгир кард, аммо бо ҳузури фармондеҳи кулли қуво ва ҳамоҳангии комил, вазъият ба суръат контрол шуд.”
Муҳаммадбоқири Қолибоф, раиси Маҷлиси Ҷ.И.Эрон, бо ишора ба иддаои Натонёҳу мабнӣ бар ин ки Исроил амнтарин нуқтаи замин аст ва ҳеч мушаке ба он ҷо намерасад, гуфт: “Натонёҳу иддао мекард, ки Исроил амнтарин ҷойи замин аст, аммо дар ҷанги ахир ин иддао ба таври комил рад шуд.”
Вай афзуд: “Мо ҳатто замоне, ки як мушак задем, талафоти сангине ба душман ворид кардем. Дар ҳақиқат ин ҳамалот ба навъе як тести мушакӣ ва қилиқгирӣ аз тавонмандиҳои Эрон буд.”
Қолибоф дар идома гуфт: “Замину осмони режими саҳюнистӣ дар ихтиёри мо буд ва тавонистем бо диққати боло нуқтазанӣ кунем. Ба иборати дигар, утубони шаҳид Ҳимматро аз Эрон ба Исроил боз кардем ва қудрати дифоии кишварро ба исбот расондем.”
Муҳаммадбоқири Қолибоф, раиси Маҷлиси Ҷ.И.Эрон, бо ишора ба шароити бӯҳронии режими саҳюнистӣ гуфт: “Режими саҳюнистӣ на миллат аст, на сарзамин ва на давлат. Агар фақат Исроил бошад, як ҳафта ҳам давом намеоварад.”
Вай афзуд: “Исроил яъне аёлати 51-уми Омрико ва ин режим танҳо бо ҳимоятҳои Омрико ба ҳаёти худ идома медиҳад.”
Қолибоф идома дод: “Режими саҳюнистӣ зери дасту пойи мо леҳ шуд ва Омрико ворид шуд, то онро наҷот диҳад. Дар воқеъ, ин режим аз 1948 то кунун ҳеч гоҳ чунин оташеро бар худ надида буд.”
Муҳаммадбоқири Қолибоф, раиси Маҷлиси Ҷ.И.Эрон, дар мавриди посухи Эрон ба таҳдидоти Омрико гуфт: “Мо ҷавоби Омрикоро бо задани 14 мушак ба пойгоҳҳояш додем ва ин ҳамалот қавӣ ва муассир буданд.”
Вай афзуд: “Исроил дигар наметавонад иддао кунад, ки сарзаминҳои ишғолӣ амн ҳастанд. Тамоми барномарезиҳояшон баҳам хӯрд ва Эрон нишон дод, ки ҳар гуна таҳдид алайҳи амнияти кишвар бо посухи қотеъ мувоҷеҳ хоҳад шуд.”
Раиси маҷлиси Ҷ.И.Эрон ҳамчунин таъкид кард: “Посухи Эрон ба таҳдидоти Омрико, на танҳо қудрати низомии кишварро ба намоиш гузошт, балки таъсири зиёде дар барҳам задани муҳосиботи душманон дошт.”
Муҳаммадбоқири Қолибоф, раиси Маҷлиси Ҷ.И.Эрон, дар бораи натиҷаи ҷанги ахир гуфт: “Дар рӯзҳои охири ҷанг, беш аз 90 дарсади мушакҳои Эрон ба ҳадаф бархӯрд карданд ва Исроил теъдоди 3520 маҷрӯҳро эълом кард, ки ин теъдод ҳадди ақал 500 кушта дорад.”
Вай афзуд: “Ин муваффақиятҳо мӯҷиб шуда, ки Исроил ба хотири шикастҳои пай дар пай ба пешниҳоди оташбас рӯй оварад. Дар пайи ин вазъият, ба зудӣ шоҳиди муҳоҷират аз Исроил хоҳем буд ва мардум ба кишварҳои худ бозхоҳанд гашт.”
Раиси Маҷлиси Ҷ.И.Эрон ҳамчунин бар таъсири посухҳои қотеи Эрон таъкид кард ва гуфт: “Посухҳои мо ба душманон, муодилоти онҳоро баҳам рехта ва ба вузуҳ нишон додааст, ки Эрон аз ҳеч таҳдиде наметарсад.”
Тоҷнек
