Оташбас ё поёни оромиш дар ҷабҳаҳои дигар?
Байналмилал
Вилоятӣ: “Оташбаси Ғазза мумкин аст оғози поёни оромиш дар ҷабҳаҳои дигар бошад”
Алиакбари Вилоятӣ, мушовири умури байналмилали Оятуллоҳ Хоманаӣ ва вазири пешини Ҷ.И.Эрон, дар вокуниш ба иҷрои оташбаси Ғазза, ҳушдор дод, ки ин оромиши зоҳирӣ мумкин аст пушти саҳнаи поёни оташбас дар ҷабҳаҳои дигари Ховари Миёна бошад ва кишварҳои минтақа бояд мунтазири ҷобаҷоии сатҳи танишҳо бошанд.
Вай дар шабакаи иҷтимоии Х навишт:
“Оғози оташбас дар Ғазза, мумкин аст пушти саҳнаи поёни оташбас дар ҷойи дигаре бошад!”
Изҳороти Вилоятӣ бо вокуниши густардаи коршиносон ва таҳлилгарони сиёсӣ рӯбарӯ шуд. Бисёре аз таҳлилгарон мӯътақиданд, манзури вай, ишора ба ҷобаҷоии нуқоти даргирӣ дар минтақа аст. Ба баёни дигар, поёни даргирии Ғазза метавонад муқаддимаи ташдиди бӯҳрон дар меҳварҳои дигаре аз Ховари Миёна бошад, мисли Ироқ, Яман ва Лубнон.
Ба гузориши хабаргузории Мавҷ, таҳлилгарони сиёсӣ дар Теҳрон, Қоҳира ва Бейрут мӯътақиданд, ки дар сояи давлати дуввуми Тромп, тарҳи сулҳи Ховари Миёна мумкин аст бо тағйири тавозуни қудрат ва заминасозӣ барои фишор бар Меҳвари Муқовамат дар Ироқ, Яман ва Лубнон ҳамроҳ шавад.
tajnek.com
Тоҷнек
