Модар биҳишти мост
Шеъре аз Устод Абдулқодир Алавӣ
Модар биҳишти мост, ӯ сарнавишти мост,
Бемодарӣ балост, модар зи Кибриёст.
Шамъи фуруғи хона фурӯзон зи модар аст,
Меҳраш ба сони шӯълаи хуршеди Ховар аст.
Нураш умедбахши дилу дидаҳои мост,
Панди накӯш аз ҳамагӣ дилпазиртар аст.
Модар биҳишти мост, ӯ сарнавишти мост,
Бемодарӣ балост, модар зи Кибриёст.
Арзандатар аз модари мушфиқ гуҳаре нест,
Пок аст, к — аз ӯ гавҳари покизатаре нест.
Дар мартабати хеш чу аз Оли Кибриёст,
Ин ному ин мақом насиби башаре нест.
Модар биҳишти мост, ӯ сарнавишти мост,
Бемодарӣ балост, модар зи Кибриёст.
Ширинтар аз каломи хушаш, чун калом нест,
Болотар аз мақоми баландаш, мақом нест.
Модар чу кимиёи ҳама дардҳои мост,
Волотарин вуҷуд чу модар ба ном нест.
Модар биҳишти мост, ӯ сарнавишти мост,
Бемодарӣ балост, модар зи Кибриёст.
Тоҷнек
