Ироқчӣ: Эрон ва Тоҷикистон як миллатанд
Байналмилал
Вазири умури хориҷаи Эрон дар ташреҳи сафари якрӯзааш ба Душанбе, бо баёни ин ки Эрон ва Тоҷикистон як миллат ҳастанд, гуфт: “Иштирокоти камназири фарҳангӣ, тамаддунӣ, забонӣ ва таърихӣ, бистари арзишманде барои тақвияти пайвандҳои бародарона ва таҳкими муносиботи ҳамаҷониба байни ду миллат фароҳам овардааст.”
Ба гузориши хабаргузории Форс, Сайидаббоси Ироқчӣ, вазири умури хориҷаи Ҷ.И.Эрон, ки рӯзи чаҳоршанбе (30 июл) сафаре якрӯза ба Душанбе, пойтахти Ҷумҳурии Тоҷикистон дошт, дар гузорише дар бораи ин сафар гуфт: “Рӯзи чаҳоршанбе дидори кӯтоҳи якрӯза аз Тоҷикистон доштам.”
Вай, ки дар нахустин сафари расмиаш дар раъси ҳайате ба Тоҷикистон рафт ва бо Эмомалӣ Раҳмон, раисиҷумҳур ва Сироҷиддин Мӯҳриддин, вазири хориҷаи ин кишвар дидор ва гуфтугӯ кард, афзуд: “Ҳадафи аслии ин сафар, пайгирии ҳамкориҳои дуҷонибаи ду кишвар бахусус дар ҳавзаи иқтисодӣ ва пружаҳое аст, ки вуҷуд дорад ва ҳамин тавр машваратҳои минтақаӣ, ки ҳамвора байни мо буда ва алъон дар шароити ҷадид аҳаммияти бештареро пайдо мекунад.”
Вазири умури хориҷаи Ҷ.И.Эрон бо зикри ин нукта, ки Эрон ва Тоҷикистон аз як решаи муштараки таърихӣ, фарҳангӣ ва забонӣ бархӯрдоранд, унвон кард: “Мо ду миллати ҳамзабон, ҳамфарҳанг ва дорои таърихи муштарак ва дар воқеъ як миллат ҳастем ва ин, заминаҳои ҳамкорӣ байни ду кишварро бисёр бештар аз ҳолати маъмул мекунад.”
Ироқчӣ идома дод: “Хушбахтона дар чанд соли ахир ҳамкориҳои мо ва табодулоти тиҷории мо пешрафти қобили мулоҳизае доштааст.”
Вай бо ишора ба сафари соли гузашта (2024)-и Масъуди Пизишкиён ба Тоҷикистон изҳор дошт: “Сафари раисиҷумҳур Пизишкиён ба Тоҷикистон, нуқтаи атфе дар ин робита буд ва сафари ман дар асл барои пайгирии тавофуқоти сафари раисиҷумҳур бахусус дар ҳавзаи иқтисодӣ сурат гирифт.”
Ироқчӣ тавзеҳ дод: “Дар сафари раисиҷумҳур ба Тоҷикистон, як ҳайати бузурги тиҷорӣ ва бозаргонӣ, раисиҷумҳурро ҳамроҳӣ мекарданд ва ҳамоиши муштараке баргузор шуд ва биҳамдиллоҳ масири хуберо тай мекунем.”
Вазири хориҷаи Ҷ.И.Эрон гуфт: “Ба лиҳози сиёсӣ алъон мавозеъи ду кишвар бисёр наздик аст. Тоҷикистон ҳамлаи ахири режими саҳюнистӣ ва Омрико ба Эронро маҳкум кард ва дар канори Ҷумҳурии Исломии Эрон истод ва эъломи ҳамбастагӣ ва ҳимоят аз Эрон кард, ки аз назари мо бисёр арзишманд буд.”
Вай дар ин робита дар сафҳаи инстогроммаш низ навишт: “Рӯзи чаҳоршанбе, ҳаштуми мурдодмоҳи 1404, дар сафаре кӯтоҳ ба Душанбе, пойтахти Тоҷикистон, бо ҷаноби Эмомалӣ Раҳмон, раисиҷумҳури мӯҳтарам ва оқои Сироҷиддин Мӯҳриддин, вазири умури хориҷаи ин кишвар, дидор ва гуфтугӯ доштам.”
Вазири умури хориҷаи Ҷ.И.Эрон унвон кард: “Меҳвари ин гуфтугӯҳо, тавсиа ва таъмиқи равобити дуҷониба ва густариши ҳамкориҳо дар ҳавзаҳои иқтисодӣ, илмӣ, фарҳангӣ ва гардишгарӣ буд.
Ироқчӣ баён кард: “Иштирокоти камназири фарҳангӣ, тамаддунӣ, забонӣ ва таърихӣ байни Эрон ва Тоҷикистон, бистари арзишманде барои тақвияти пайвандҳои бародарона ва таҳкими муносиботи ҳамаҷониба байни ду миллат фароҳам овардааст.”
Ин нахустин сафари расмии Ироқчӣ ба Тоҷикистон пас аз тасаддии Вазорати умури хориҷа буд. Вай деймоҳи соли гузашта Масъуди Пизишкиёнро дар сафар ба Душанбе ҳамроҳӣ карда буд.
Farsnews
Тоҷнек
