Эй уммати исломӣ аз Фаластин ҳимоят кунед
Ҳафтаи Ваҳдат
Раиси Шӯрои уламои Фаластин дар 39-умин Конфронси байналмилалии ваҳдати исломӣ исломӣ дар Теҳрон: “Эй уммати исломӣ! Аз Фаластин ҳимоят кунед, агар Ғазза суқут кунад, қатъан шумо ҳам суқут хоҳед кард”
Шайх Ҳусайн Муҳаммад Қосим таъкид кард: “Эй уммати исломӣ! Аз Фаластин ҳимоят кунед, агар Ғазза суқут кунад, қатъан шумо ҳам суқут хоҳед кард.”
Ба гузориши хабаргузории Тақриб, шайх Ҳусайн Муҳаммад Қосим, раиси Шӯрои уламои Фаластин, дар ифтитоҳияи 39-умин Конфронси байналмилалии ваҳдати исломӣ исломӣ, ки субҳи имрӯз (8 сентябр) дар Теҳрон баргузор шуд, гуфт: “Акнун замони он фаро расидааст, ки аз худ бипурсед, оё воқеан аз дастуроти Худо пайравӣ мекунед?”
Вай идома дод: “Фаластин қалби уммати исломӣ аст ва ғарбиҳо бо таваҷҷӯҳ ба ин мавзӯъ ва барои эҷоди шикоф ва нобудии ҷаҳони ислом, қалби уммати исломиро ҳадаф қарор доданд.”
Раиси Шӯрои уламои Фаластин таъкид кард: “Имрӯз дар наздикии Ғазза кишварҳои мусалмон қарор доранд, вале мардуми мазлуми Ғаззаро аз дастрасӣ ба обу нон маҳрум карда ва марзҳои худро ба рӯйи ин мардум бастаанд, оё онон мусалмон ҳастанд? Оё кишварҳои исломӣ наметавонанд обе ба мардуми Ғазза бирасонанд; кишварҳое, ки рӯйи дарёе аз нафт хобидаанд, наметавонанд ғизое ба мусалмонон бирасонанд?”
Шайх Ҳусайн Муҳаммад Қосим дар поён бо баёни ин ки мо кори нашуданӣ аз шумо намехоҳем, мо хостори таъмини нон, дору ва об барои сокинони Ғазза ҳастем, оё ин хостаи зиёде аз ҷаҳони ислом аст, хотирнишон кард: “Эй уммати исломӣ! Аз Фаластин ҳимоят кунед, агар Ғазза суқут кунад, қатъан шумо ҳам суқут хоҳед кард, чаро ки кишварҳои исломӣ ба ҳам муртабит ҳастанд.”
tajnek.com
Тоҷнек
