Пешнависи баёнияи поёнии Иҷлоси Дуҳа
Хабаре аз иқдоми қотеъ алайҳи Исроил нест
Ахбори байналмилал
Хабаргузории Меҳр ба нақл аз Reuters пешнависи баёнияи Иҷлоси сарони кишварҳои арабӣ ва исломиро, ки қарор аст рӯзи душанбе дар Дуҳа баргузор шавад, мунташир кард.
Бар асоси ин гузориш, пешнависи баёнияи поёнии Иҷлоси Дуҳа ба шарҳи зайл аст:
– Мо ҳимояти мутлақи худро аз кишвари Қатар, амният, ҳокимият ва саломати шаҳрвандони он эълом мекунем;
– Мо вазифаи ҷамъии худро барои посух ба таҷовузи Исроил дар дифоъ аз амнияти муштаракамон ёдоварӣ мекунем;
– Таҷовузи Исроил ба Қатар, таҷовуз алайҳи ҳамаи кишварҳои арабӣ ва исломӣ аст;
– Таҷовузи Исроил ба Қатар, ҳамла ба талошҳои диплумотик барои барқарории сулҳ аст;
– Мо қотеона талошҳо барои тавҷеҳи таҷовузи Исроил ба Қатарро ба ҳар баҳонае рад мекунем;
– Мо қотеона таҳдидҳои мукаррари Исроил мабнӣ бар эҳтимоли ҳадаф қарор додани муҷаддади Қатарро рад мекунем;
– Мо бар лузуми иқдоми ҷомеаи байналмилалӣ барои поён додан ба ҳамалоти Исроил дар минтақа таъкид мекунем;
– Мо аз талошҳои Қатар, Миср ва Иёлоти Муттаҳида барои таваққуфи таҷовуз алайҳи навори Ғазза ҳимоят мекунем;
– Мо бар лузуми истодагӣ дар баробари барномаҳои Исроил барои таҳмили як амали анҷомшудаи ҷадид дар минтақа таъкид мекунем;
– Мо ҳар гуна талоши Исроил барои овора кардани мардуми Фаластинро ба ҳар баҳона ё таҳти ҳар унвоне маҳкум мекунем.
Гуфтанист, Исроил рӯзи сешанбеи ҳафтаи гузашта маҳалли ҳузури раҳбарони Ҳамос дар Дуҳаро дар замони баргузории нишаст барои баррасии пешниҳоди Дунолд Тромп, раиси ҷумҳури Омрико ҷиҳати пешбурди музокирот мушакборон кард.
Дар ин ҳамла гарчӣ ба ҳеч як аз раҳбарони Ҳамос осебе ворид нашуд, аммо теъдоде аз аъзои Ҳамос ва ғайринизомиён аз ҷумла як шаҳрванди қатарӣ ба шаҳодат расиданд.
tajnek.com
Тоҷнек
