Ақли муаллим
Дар даврони комунистӣ баъзе инсонҳо ба ақидаи атеистӣ гирифтор шуда вуҷуди Худоро мункир мешуданд ва ба рӯзи қиёмат ва ҳаводиси дар он воқеъшаванда имон надоштанд.
Яке аз муаллимони мактаб, ба мақсади дуруст нишон додани ақидаи атеистӣ, ба шогирдон чунин саволҳо мекард: Оё мизро мебинед?
Шогирдон гуфтанд: Оре!
Муаллим гуфт: Ин далолат мекунад, ки миз дар ҳақиқат вуҷуд дорад.
Боз пурсид: Оё тирезаро мебинед?
Шогирдон гуфтанд: Оре!
Муаллим гуфт: Ин барои он аст, ки дар воқеъ вуҷуд дорад. Ӯ саволҳояшро ба ин минвол идома дод ва дар охир ба ин савол расид: Оё Худоро мебинед?
Шогирдон гуфтанд: Не!
Муаллим баён кард: Зеро вуҷуд надорад.
Дар ин асно шогирди зираке аз ҷояш бархост ва ба ҳамсинфонаш чунин савол кард: Оё ақли муаллимро мебинед?
Шогирдон гуфтанд: Не!
Он шогирд гуфт: Ин далолат мекунад, ки дар ҳақиқат муаллим ақл надорад!
(Манбаъ: Фейсбук)
Тоҷнек
