Шукуфаи руҳ
Ба муносибати солгарди реҳлати Имом Хумайнӣ (р)
Шеъре аз Доро Наҷот, шоири тоҷик дар васфи Имом Хумайнӣ (р)
Боронӣ омадӣ
Туфонӣ рафтӣ
Боронӣ омадӣ
Аз дарёчаи сабзи ояҳо
Бо табассуми тулӯъ
Ва нигоҳи обии малакут
Аз маъбари руъёии абрҳо
Атри ошиқонаҳои биҳиштӣ
Ва ранги мастӣ аз ҷамоли Худо овардӣ
Ба Эрони руҳам
Шукуфаҳои инқилоби орифона пошидӣ
Уфуқи тахайюли маро
Пур аз маҳтобии гулҳо
Ва кавкабии болҳои шаҳпаракона кардӣ
Эй сокини сапедаи борони азал
Ғарибии ашкамро мегирям
Дар фироқи амвоҷи туфонии гулҳо
Ва навасони панҷаҳои барги ҳасрат
Ба гирди ғунчаҳои сар
Ва маҳшари обҳои хурушондида
Дар равзае, ки Биҳишти Заҳрост! *
* * *
* Муштоқиву маҳҷурӣ, саҳ.81-82; Аз табори Офтоб, шеъри шоирони тоҷик дар васфи Имом Хумайнӣ, саҳ. 11-12
Тоҷнек
Source:
Шукуфаи руҳ
Via:
Шукуфаи руҳ
