Оятуллоҳ Хоманаӣ: “Режими саҳюнистӣ мунтазири муҷозоти сахт бошад!”
Дар пайи ҷинояти саҳаргоҳи имрӯзи режими саҳюнистӣ алайҳи Эрон, Оятуллоҳ Хоманаӣ, раҳбари ин кишвар паём содир кард.
Ба гузориши хабаргузории Форс, матни паём ба шарҳи зерин аст:
Бисмиллоҳир-Раҳмонир-Раҳим
Миллати бузурги Эрон!
Режими саҳюнӣ дар саҳаргоҳи имрӯз, дасти палид ва хунолуди худро ба ҷинояте дар кишвари азизамон гушуд ва зоти хабиси худро бо задани марокизи маскунӣ беш аз гузашта ошкор кард. Режим бояд мунтазири муҷозоти сахт бошад.
Дасти қудратманди нерӯи мусаллаҳи Ҷумҳурии Исломӣ ӯро раҳо нахоҳад кард, биизниллоҳ!
Дар ҳамалоти душман, тане чанд аз фармондеҳон ва донишмандон ба шаҳодат расиданд.
Ҷонишинон ва ҳамкорони онон бедиранг вазоифи худро пай хоҳанд гирифт, иншоаллоҳ!
Режими саҳюнӣ бо ин ҷиноят, барои худ сарнавишти талх ва дардноке тадорук дид ва онро қатъан дарёфт хоҳад кард.
Сайид Алии Хоманаӣ
