CNN: “Ҳеч чиз тағйир накардааст”
Эрон пас аз ҷанг, дар ҳоли мусаллаҳ кардани гурӯҳҳои мусаллаҳи муттаҳиди худ дар минтақа (Меҳвари Муқовимат) аст
Байналмилал
Шабакаи CNN дар таҳлиле гуфт, ки афзоиши фаъолияти гурӯҳҳои мусаллаҳи муттаҳиди Теҳрон дар минтақа (Меҳвари Муқовамат), нишондиҳандаи азми Эрон барои идомаи ҳимоят аз онҳост.
Пажӯҳишгари аршади Муассисаи Вашингтон, Майкл Найтс, ки дар умури низомӣ ва амниятии Ховари Миёна тахассус дорад, бо ишора ба таҷдиди қувои таслеҳотии Меҳвари Муқовимат (Ҳизбуллоҳ, Ансоруллоҳ, Ҳашдуш-шаъбӣ ва гурӯҳҳои фаластинӣ) гуфт, ки Эрон ҳаргиз қасд надошт, ки ҳимояти худро аз муттаҳидонаш мутаваққиф кунад.
Вай дар ин бора афзуд, ки паёми Эрон аз ин кор он аст, ки эълом кунад: “Ҳеч чиз тағйир накардааст… Мо ҳанӯз вуҷуд дорем, саҳеҳу солим ҳастем.”
Исроил моҳи гузашта таҳоҷуми худ ба Эронро оғоз кард ва чеҳраҳои калидии низомӣ аз ҷумла фармондеҳи Сипоҳи Посдорони Инқилоби Исломӣ, Ҳусайн Саломиро ба шаҳодат расонд; фарде, ки ба гуфтаи CNN, нақши ҳаётӣ дар ҳифз ва густариши Меҳвари Муқовимат дошт.
Аммо ҳатто бо вуҷуди зарбаҳои ворида ба Эрон ва аз даст додани чеҳраҳои низомии калидӣ, Теҳрон ба ҳимоят аз Меҳвари Муқовимат идома додааст, ки ба гуфтаи CNN, нишон медиҳад ҳанӯз онҳоро ба унвони дороии стратегии худ дар назар мегирад.
Тоҷнек
