Паёми муҷоҳидони яманӣ ба муҷоҳидони Фаластин дар Ғазза
Байналмилал
Размандагони яманӣ бо интишори паёме ба нерӯҳои муқовимати Фаластин, ибрози итминон карданд, ки ҷараёни муқовимат қатъан пирӯзи майдони мубориза бо Омрико ва режими саҳюнистӣ хоҳад шуд.
Ба гузориши Алмаёдин, муҷоҳидони Яман имрӯз (душанбе) паёме дар вокуниш ба изҳороти Абӯубайда, сухангӯи низомии гурдонҳои Қассом мунташир ва таъкид карданд: «Изҳороти шуморо шунидем, паёми шуморо хондем ва қадрдонии шумо моро хиҷолатзада кард; зеро шумо ва муҷоҳидони сабури фаластинӣ, шоистаи чунин тамҷидоте ҳастед.»
Нерӯҳои Яман зимни эъломи ҳимояти муҷаддад аз мардуми Ғазза, таъкид карданд, ки ин ҳимоятҳо, дар масири илоҳӣ ва дар ростои иҷрои амрҳои Борӣ Таолост ва суду зиён ҳеҷ маъное дар он надорад.
Гуфтанист, сухангӯи Қассом ба тозагӣ зимни қадрдонӣ аз миллат ва давлати Яман ба хотири ҳимоят аз мардуми Ғазза гуфт: «Бародарони содиқи мо дар Ансоруллоҳ, ҷабҳаи муҳиммеро алайҳи душман боз карданд ва ҳуҷҷатро бар тамоми касоне, ки таслим шудаанд тамом кардаанд. Дуруд бар тамоми озодагони ҷаҳон, ки ба дунболи ибрози ҳамбастагӣ, шикасти муҳосира ва рафъи зулм аз миллати мо ҳастанд.»
Вай бо таъкид бар ин ин ки режимҳои арабӣ ва исломӣ, фақат наззорагари кушта шудани даҳҳо ҳазор фаластинӣ ҳастанд, гуфт: «Хуни даҳҳо ҳазор ғайринизомӣ, ки ба хотири сукути ин афрод рехта шуда, бар гардани уммати исломӣ ва арабӣ ва нухбагон ва андешамандони он аст.»
Абӯубайда бо баёни ин ки нерӯҳои муқовимат, душманро бо токтик ва шеваҳои ҷадид ғофилгир мекунанд, афзуд: «Нерӯҳои мо аз тӯлонитарин ҷанг дар таърихи худ, таҷориби зиёде омӯхтаанд. Мо бо душмане муқобила мекунем, ки қудратмандтарин кишварҳои золими ҷаҳон, ҳомии он ҳастанд ва ҳамчунон ба ин душман силоҳ ва муҳиммот медиҳанд, вале мусалмонон наззорагари ин масъала ҳастанд.»
Размандагони Яман, муҷоҳидони фаластиниро инқилобиҳое донистанд, ки оташи интиқом ва инқилобро дар даруни ҳамаи озодагон шӯълавар кардаанд ва гуфтанд: «Дуруд бар шумо, ки бо гулӯлаҳои фиреб ва хиёнат аз ҳар тараф, рӯбарӯ ҳастед, вале бо иззат, дар баробари он истодагӣ мекунед.»
Нерӯҳои Яман зимни тамҷид аз муборизаи нерӯҳои муқовимати Фаластин, тасреҳ карданд: «Ба фазли илоҳӣ, амалиётҳои шумо, тамоми мувозинаҳо ва муодилаҳои моддиро тағйир дод. Шумо бо истодагии худ собит кардед, ки имкони истодагӣ ва мубориза дар ҳар шароите вуҷуд дорад.»
Размандагони Яман дар поён таъкид карданд, ки муқовимати Фаластин, қатъан пирӯз шуда ва пружаи созиши арабӣ-ибрӣ-омрикоиро шикаст хоҳанд дод.
Тоҷнек
