Ироқ – ҳадафи баъдии Исроил
Ахбори байналмилал
Ироқ ҳадафи баъдии иқдоми Бенёмин Натонёҳу
Манобеи амниятии Ироқ ҳушдор додаанд, ки Телавив дар ҳоли баррасии кушодани ҷабҳае ҷадид дар минтақа аст ва Бағдодро яке аз гузинаҳои аслии худ, баъд аз таҷовузоти ахир ба Қатар, медонад.
Рӯзномаи арабии Ал-ахбор фош кард, манобеи огоҳ дар Кумисиюни амният ва дифои порлумони Ироқ эълом карданд, ки ниҳодҳои иттилоотӣ ва амнияти миллӣ, гузорише тафсилиро дар нишасти амниятии ахир ба Муҳаммад Шиёъ ас-Судонӣ, нахуствазири ин кишвар ироа кардаанд.
Ин гузориш ҳушдор медиҳад, ки эҳтимол дорад, Ироқ ҳадафи баъдии иқдоми Бенёмин Натонёҳу бошад. Бино бар иттилооти мавҷуд, арзёбиҳои иттилоотии Ироқ нишон медиҳад, ки Телавив дар ҳоли баррасии боз кардани ҷабҳае ҷадид дар минтақа аст ва Ироқ яке аз муҳимтарин гузинаҳо дар ин замина маҳсуб мешавад.
Дар ин гузориш таъкид шудааст, ки режими саҳюнистӣ Ироқро ба унвони конуни аслии фаъолиятҳои Эрон медонад ва аз нигоҳи Телавив, Бағдод ба “умқи роҳбурдии Ҳизбуллоҳи Лубнон” табдил шуда ва бинобар ин метавонад ҳадафи аслии ҳар гуна рӯёрӯии оянда дар сатҳи минтақа бошад.
Ал-ахбор дар идома гузориш дод: “Ҳамзамон бо ин ҳушдорҳо, давлати Ироқ гомҳои амалӣ барои эҷоди як сомонаи дифои ҳавоии модернро оғоз кардааст, то тавони ин кишвар дар муқобила бо ҳар гуна нақзи эҳтимолии ҳарими ҳавоӣ тақвият шавад. Ин иқдом ҳамзамон бо таҳаррукоти диплумотики густурдаи Ас-Судонӣ сурат гирифт, ки охирини он дар Дуҳа буд; ҷойе, ки ӯ мавозее равшан алайҳи таҷовузоти Исроил эълом кард ва хостори ҳамоҳангии арабӣ-исломӣ барои муқобила бо ин иқдомот шуд.”
tajnek.com
Тоҷнек
