Бидъати сиёсӣ-низомӣ
Ёддошти Сайидюнус Истаравшанӣ
Бо рабудани Мадуро ба фармони каллазард ва ба дасти чандто ҷиноятпеша, ҳоло баъзе аз азизон ин сару садоро роҳ андохтаанд, ки инак навбати фалонӣ аст!
Бибинед, азизон! Баҳс дар ин миён, баҳси диктотур будан ва ё набудани Мадуро нест, баҳси як “бидъати” бисёр хатарнок дар ҷаҳон аст, ки агар Худой нокарда фатҳулбобе шавад ва ин равиш мавриди ташвиқ қарор гирад, он вақт ҳар кишваре ва ҳар абарқудрате бо мухолифи худ – ҳол он мухолиф чӣ ҳокими як кишвар бошад ё як гурӯҳ ва ҳизби мухолиф – аз ҳамин равиш баҳра хоҳад ҷуст ва ҳамин корро хоҳад кард.
Нагӯед, чун фалонӣ диктотур аст. Ҳанӯз мо як меъёр ва милоки ҳамагонӣ ва мавриди қабули ҳама дар бораи ин ки диктотур чӣ таърифе дорад ва чӣ касе диктотур аст ва озодӣ чист ва таърифаш кадом аст надорем, дуруст мисли вожаи “теруризм”, ки ҳар касе хост, мухолифи худро “терурист” мехонад.
Балки бояд бо ин равиш ва ин “бидъат” мухолифат кард. Набояд гузошт ин равиш ниҳодина шавад. Ин бисёр хатарнок аст, ки Худой нокарда фардо агар яке аз мухолифон – дар ҳар куҷо, ки ҳаст, рабуда шуда ва ба кишвар истидод шавад (ки албатта ҳаст, аммо ҳанӯз қонунӣ нашуда), рабояндагон ба “сираи” амсоли Тромп тамассук хоҳанд ҷуст.
Балки диктотур ва худкома тасаввути мардуми худаш сарнагун ва барканор шавад, на ба ин сурат, ки Тромп муртакиб шуд.
tajnek.com
Тоҷнек
