Тромп: Мушакҳои Эрон метавонанд Аврупоро таҳдид кунанд
Ахбори байналмилал
Доналд Тромп, раиси ҷумҳури Иёлоти Муттаҳидаи Амрико, дар суханронии солонаи худ иддао кард, ки мушакҳои Эрон метавонанд қораи Аврупоро таҳдид кунанд.
Вай ҳамчунин бо таъкид бар он ки ба Теҳрон дар бораи бозсозии барномаи ҳастаияш ҳушдор додааст, гуфт иҷоза нахоҳад дод Эрон ба силоҳи атомӣ даст ёбад.
Тромп афзуд, ки Вашингтон барои муқобила бо ҳар гуна таҳдиди эҳтимолӣ аз абзорҳои сиёсӣ, иқтисодӣ ва низомӣ истифода хоҳад кард.
Ин изҳорот дар шароите баён шуд, ки танишҳо миёни ду кишвар бар сари масъалаи ҳастаӣ ва барномаҳои мушакии Эрон ҳамчунон идома дорад.
tajnek.com
Тоҷнек
