Фарқи Тромп бо соири руасои ҷумҳури Омрико
Ёддошти Сайидюнуси Истаравшанӣ
Омрико ҳамон Омрикост, чунонки Урупо ҳамон Урупост, чӣ дар раъси Омрико Тромп қарор дошта бошад, чӣ Бойден ва чӣ Убомо ва чӣ Буши писару падар ва ғайра. Яъне моҳият ва ҳақиқати Омрико дар замони ҳамаи инҳо яке бештар нест: таҷовузгар, зӯргӯ, ситамкор, қулдур, марзнашнос ва поймолзсози ҳуқуқи башар.
Ба иборати дигар, ин ҷиноятҳое, ки имрӯз Омрико дар ҳаққи Эрон муртакиб шуда ва мешавад, чунин нест, ки чун Тромп сари кор аст ва ӯ масалан зӯргӯст. На! Дар даврони Буш ҳам чунин буд, дар замони Убомо ва Бойден низ низ чунин буд, моҳияти ин кишвар аз замоне, ки таъсис ёфтааст ҳамин аст.
Бале, фарқе, ки дорад ин аст, ки Тромп рук аст, зоҳиру ботинаш як аст, мунофиқ ва дурӯя нест ба истилоҳ. Аммо руасои ҷумҳури пеш аз ӯ мисли Бойден ё Убомо ва ғайра, мунофиқ буданд, дар асл. корашон зӯргӯӣ буд, таҷовуз буд, ҳаққи дигаронро поймол кардан буд, аммо бо шиорҳои “зебо” ва дар қолиби наҷоти кишварҳо аз “зулму истибдод” ва ғайра.
Аммо Тромп руку ошкоро аст, мегӯяд, мо мисли “дуздони дарёӣ ҳастем”, ҳар вақт хостем, ба кишваре ҳамла мекунем, ҳар вақт хостем, киштиеро мерубойем ва дороиҳояшро аз худ мекунем. Ҳанӯз кори Эрон ба ҷойе нарасида, дам аз Кубо мезанад, ки бо ин кишвар низ чунину чунон бикунад.
Хулоса, Тромп дар хусуси моҳияти Омрико ва ҳамчунин Урупо, ба ҷаҳониён росташро мегӯяд ва оби покеро рӯйи дасти афроде, ки гӯли шиорҳои ғарбиҳоро хӯрдаанд ва воқеан бовар доранд, ки кишварҳои урупоӣ ва Омрико “наҷотдиҳанда” ҳастанд мерезад.
Аз ин ҷиҳат дасташ дард накунад!
С.И.
Тоҷнек
