Паёми Оятуллоҳ Сайидмуҷтабо Хоманаӣ ба муносибати Рӯзи посдошти забони форсӣ ва бузургдошти Фирдавсӣ
Ахбори фарҳангӣ
Ба гузориши хабаргузории Форс, паёми Оятуллоҳ Сайидмуҷтабо Хоманаӣ, раҳбари Ҷ.И.Эрон, ба муносибати Рӯзи посдошти забони форсӣ ва бузургдошти ҳаким Абулқосими Фирдавсӣ мунташир шуд, ки ба шарҳи зайл аст:
Бисмиллоҳир Раҳмонир Раҳим
Забони форсӣ, илова бар абзори гуфтору навиштор, қолаби шинохт ва риштаи иттисоли андеша ва марзҳои ҳувиятии эрониёнро ташкил медиҳад. Забон ва адаби форсӣ яке аз бузургтарин зарфиятҳо барои тарвиҷи фарҳанг ва тамаддуни ғании Эрони Исломӣ дар густараи ҷаҳонӣ аст; ва тавсияи раҳбари ҳаким ва шаҳидамон (Аълаллоҳу мақомаҳуш шариф!) ба қудратманд шудани забони форсӣ, чароғи роҳи иқтидори “тамаддуни эронӣ-исломӣ” мебошад.
Миллати азизи Эрон дар дифоъи муқаддаси севвум низ ҳамчун ду ҷанги таҳмилии қаблӣ собит карданд, ки достонҳои устураии Фирдавсӣ, воқеияти зиндагӣ ва шахсияти қаҳрамононаи онон буда ва мафоҳими инсонсоз, салаҳшӯрона ва қуръонии “Шоҳнома”, ҳамаи ақвом ва ақшори Эронро дар ҳифзи ҳувият, асолат ва истиқлоли худ ва мубориза бо заҳҳоквашони мутаҷовиз, ҳамдилу ҳамроҳу ҳамсоз мекунад.
Ин ҳамосаи ҳузур ва дифоъ ва пирӯзӣ, таклифи бузургеро бар дӯши аҳолии фарҳангу адабу ҳунар мегузорад, то ҳамчун Фирдавсӣ бархезанд ва беъсати ҳунармандонро дар имтидоди беъсати мардум рақам зананд; фикру қаламу забонро бо ҳунар даромезанд ва ривояти хезиши азими миллатро дар таърих мондагор кунанд.
Аз сӯйи дигар, муқовимати ғаюрона ва пирӯзии ифтихоромез дар баробари таҳоҷуми девсиратон ва шаётини ҷаҳон, миллатро барои посдорӣ аз истиқлоли тамаддунӣ ва муқобила бо таҳоҷуми забонӣ, фарҳангӣ ва сабки зиндагии омрикоӣ, омодатар кардааст, то бо ибтикор ва навоварии фаъолони арсаи фарҳангӣ дар ҷиҳати таъмини падофанди забонӣ ва гуфтумонӣ ва рушду боландагии кӯдакон, навҷавонон ва ҷавонон, мароҳили боқимонда то пирӯзии ниҳоиро бо устувории бештар бипаймояд, биавниллоҳи таъоло.
Сайидмуҷтабо Ҳусайнии Хоманаӣ
25 урдибиҳишти 1405
(15 майи 2026)
farsnews.ir
Тоҷнек
