Қароргоҳи Хотамуланбиё: Душман чорае ҷуз таслим надорад
Ахбори байналмилал
Ба гузориши хабаргузории Форс
Қароргоҳи марказии Хотамуланбиё (с) баёнияе содир кард, ки бад-ин шарҳ аст:
Бисмиллоҳир Раҳмонир Раҳим
Ситоди кулли нерӯҳои мусаллаҳ ва Қароргоҳи марказии Хотамуланбиё (с), зимни гиромидошти ёду хотираи ду имоми инқилоби исломӣ ва шуҳадои воломақом, ҳамзамонии солрӯзи реҳлати имоми роҳил (Имом Хумайнӣ (р)) ва қиёми 15 Хурдод бо иди саъиди Ғадири Хумро нишонае муборак аз пайванди усули хадшанопазири имомат ва вилояти мутлақаи фақеҳ дар низоми муқаддаси Ҷумҳурии Исломии Эрон медонад.
Миллати шариф ва муқовими Эрон, дар солгарди иртиҳоли Имом Хумайнӣ (р) фуқдони қоиди шаҳиди азимушшаън ва шуҳадои мазлуми худро дар канори пайванди амиқ миёни имон, басират ва истодагӣ дар баробари истикбори ҷаҳонӣ таҷриба мекунад. Қиёми 15 Хурдод, сароғози наҳзате буд, ки ба пирӯзии инқилоби исломӣ анҷомид ва имоми шаҳид пас аз ҳазрати Руҳуллоҳ киштии наҷоти умматро ба қуллаҳои иззат расонд. Имрӯз низ миллати Эрон, таҳти ҳидоятҳои раҳбарии ҳаким ва фарзонаи худ мақоми муаззами раҳбарӣ, парчамдори муқовимат ва дифоъ аз ҳақ буда ва то пирӯзии ниҳоӣ ин масири нурониро идома хоҳад дод.
Ҷангафрӯзии ахири Омрико ва режими саҳюнистӣ чеҳраи воқеии муддаиёни дурӯғини ҳуқуқи башарро барои ҷаҳонён ошкор кард, ки шаҳодати 168 кӯдаки мазлум ва бегуноҳи мадрасаи Миноб яке аз садҳо ҷиноёти онҳо мебошад.
Миллати Эрон дар баробари таҳдиду таҷовуз, на танҳо ақибнишинӣ намекунад, балки бо иттиҳод ва имон, масири иззатро беш аз ҳар замон идома медиҳад.
Нерӯҳои мусаллаҳи муқтадир, шуҷоъ, сарбаланд ва сарафрози Эрони Исломӣ, ҳамгом бо миллат ва таҳти раҳбарии фармондеҳи муаззами кулли қуво ҳазрати Оятуллоҳ Сайидмуҷтабо Ҳусайнии Хоманаӣ ва бо ниҳояти иқтидор, аз ормонҳои инқилоби исломӣ ва киёни кишвари ҳамеша пирӯзи Эрони пурифтихор то пойи ҷон дифоъ хоҳанд намуд ва нахоҳанд гузошт душмани кинатӯз ба орзуҳои шайтонии худ расида ва хуни имоми шаҳиди уммат ва соири шуҳадои воломақом поймол гардад.
Душманони омрикоӣ ва саҳюнистӣ дар баробари иродаи илоҳии нерӯҳои мусаллаҳ ва уммати басиру огоҳ, чорае ҷуз таслим нахоҳанд дошт.
Ситоди кулли нерӯҳои мусаллаҳ ва Қароргоҳи марказии Хотамуланбиё (с)
Тоҷнек
