Абдуллоҳӣ: Мо барои тасмимҳои аҳмақонаи Омрико ва Исроил лаҳзашуморӣ мекунем
Раиси Ситоди кулли нерӯҳои мусаллаҳи Ҷ.И.Эрон: “Мо барои тасмимҳои аҳмақонаи Омрико ва Исроил лаҳзашуморӣ мекунем”
Ахбори байналмилал
Ба гузориши хабаргузории Форс, сарлашкар Алӣ Абдуллоҳӣ, раиси Ситоди кулли нерӯҳои мусаллаҳи Ҷумҳурии Исломии Эрон ва фармондеҳи Қароргоҳи марказии Хотамуланбиё (с), дар вокуниш ба ёваҳои Тромп ва Натонёҳу, дар паёме таъкид кард:
“Шиорҳое, ки медиҳед, агар метавонистед, то кунун ба он амал карда будед. Дар ҳар як аз ҷангҳои қаблӣ, бо шиори сарнагунии Ҷумҳурии Исломӣ, таҷзия ва нобудии Эрон вориди ҷанг шудед; дар ҳоле, ки имрӯз худ дар ҳоли нобудӣ ва сарнагунӣ ҳастед ва Эрони қудратманд ҳамчунон устувор истодааст.”
Вай афзуд: “Раиси ҷумҳури Омрико дигар пир шуда ва тавони баланд шудан аз ҷойи худро надорад, ҷомеаи омрикоӣ ва сокинони сарзаминҳои ишғолӣ ба хубӣ медонанд, ки шумо заъфҳои ҷиддӣ ва асосӣ доред ва бояд бидонед, ки хатои муҳосиботии баъдӣ, посухҳое мутафовиттар ва шадидтар аз гузаштаро дарбар хоҳад дошт.”
Сарлашкар Абдуллоҳӣ дар поён таъкид кард: “Азму иродаи раҳбарӣ, миллат, масъулон ва нерӯҳои мусаллаҳи Эрони Исломиро борҳо озмудаед ва озмударо озмудан хатост; мо барои тасмимҳои аҳмақонаи шумо лаҳзашуморӣ мекунем. Садои ғурриши баъдӣ бисёр наздиктар, вайронкунандатар ва ғайри қобили раҳгирӣ хоҳад буд.”
Тоҷнек
