Дӯст он бошад, ки гирад дасти дӯст
Талх аст, аммо бояд гуфт
Ёддошти Сайидюнуси Истаравшанӣ
Паймони Миллии Тоҷикистон (ПМТ) агар дар кишваре масалан Буркина Фасо зилзила ва ё мусибате рух медод, баёнияе, чизе содир мекард ба унвони ҳамдардӣ, аммо се рӯз аст, ки дар хусуси ҳаводиси ахир дар Эрон, ки ҳамзабони тоҷикҳост, лоақал чалаҳамдардие ҳам мунташир накард.
Як сукути бисёр маънодоре дар миёни ҳамразмони собиқам ҳукмфармост, ки намедонам иллаташ чист?!
Шояд далеле дошта бошанд, намедонам, вале агар далелаш сукунати шумо дар кишварҳое бошад, ки миёнаи хубе бо Эрон надоранд, хуб, дар ин сурат лоақал аз Додоҷон Атовулло ёд бигиред.
Сукути шумо нобахшуданӣ аст. Ё лоақал аз ҳукумати Тоҷикистон ёд бигиред!
Ҳукумати Тоҷикистон аввалин кишваре аст, ки ҳамалоти режими саҳюнистиро маҳкум кард, аммо ПМТ, ки дар бораи масалан Укройн санги тамом гузошта ва ҳатто раҳбари ПМТ дар чанд нишасти зидди русӣ ҳамроҳ бо укройниҳо ширкат карда буд, аммо ҳоло сокит.
Худоро шукр, ки дигар узви ПМТ нестам.
Дӯст он бошад, ки гирад дасти дӯст,
Дар парешонҳолию дармондагӣ…
Сайидюнуси Истаравшанӣ
Тоҷнек
