Сарҳанги амрикоӣ аз ҷиноёти Исроил дар Ғазза парда бардошт
Ахбори байналмилал
Ифшогарии сарҳанги омрикоӣ аз ҷиноятҳое, ки артиши Исроил дар Ғазза муртакиб мешавад
Сарҳанги нерӯҳои вежаи Иёлоти Муттаҳида, дар мусоҳиба бо ВВС гуфт, ки дар тӯли хидмати низомиаш, ҳаргиз чунин сатҳе аз хушунат ва истифодаи беравия ва ғайризарурӣ аз зӯр алайҳи ғайринизомиёни ғайримусаллаҳ ва гуруснаро надидааст.
Инак, бахше аз изҳороти ӯ:
Сарҳанги омрикоӣ: Шоҳид будам, ки нерӯҳои артиши Исроил ба самти ҷамъияти фаластиниҳо тирпарронӣ мекарданд. Шоҳиди тирпаронии аслии тонки “Меркава” ба самти ҷамъият будам, ки боис шуд як худрави ғайринизомӣ, ки сирфан дар ҳоли фирор аз маҳал буд, мунҳадим шавад. Шоҳиди партоби хумпора ба самти ҷамъият барои контроли онҳо будам.
Муҷрӣ: Ба унвони як сарбози ҳирфаӣ бо собиқаи тӯлонӣ, назари ҳирфаии шумо дар бораи он чи дар ҷараён буд чист?
Сарҳанги омрикоӣ: Назари ҳирфаии ман дар бораи наҳваи мудирияти ин мавқеиятҳо ин аст, ки метавонам онро ношиёна, бетаҷриба, омӯзишнадида ва бидуни дарк аз чигунагии иҷрои амалиёте дар ин миқёс тавсиф кунам. Ин хушбинонатарин арзёбии ман аст. Аммо ба сароҳат бояд бигӯям, ки ин, иқдомоти ҷинояткорона ҳастанд. Дар тамоми даврони хидматам, ҳаргиз чунин сатҳе аз хушунат ва истифодаи беравия ва ғайризарурӣ аз зӯр алайҳи ғайринизомиёни ғайримусаллаҳ ва гуруснаро надидаам. То ба ҳол чунин чизеро шоҳид набудам, магар дар Ғазза ва он ҳам ба дасти нерӯҳои артиши Исроил ва паймонкорони омрикоӣ.
Муҷрӣ: Бо таваҷҷӯҳ ба донише, ки доред, оё фикр мекунед, шоҳиди ҷиноёти ҷангӣ будаед? Ба назар мерасад, шумо инро бо таъкид мегӯед.
Сарҳанги омрикоӣ: Бидуни шак, ман шоҳиди ҷиноёти ҷангӣ будам. Бидуни тардид, партоби тири тӯпхона, хумпора ва гулӯлаҳои тонк ба самти ғайринизомиёни ғайримусаллаҳ тавассути артиши Исрои, ҷиноёти ҷангӣ аст.
Тоҷнек
