Муфтии аҳли суннати Ироқ: Бояд мусалмонон яксадо дар муқобили душман биистанд
Муносибатҳо: Ҳафтаи Ваҳдат
Муфтии аҳли суннати Ироқ дар 39-умин Конфронси байналмилалии ваҳдати исломӣ: “Ғафлат ва адами ваҳдати мусалмонон, омили афзоиши ҷиноёти режими саҳюнистӣ аст”
Муфтии аҳли суннати Ироқ бо ишора ба ин ки мусалмонон акнун дар хоби ғафлат фурӯ рафтаанд, таъкид кард, ки душмани саҳюнистӣ бо истифода аз ин ғафлат, ба ҷиноёти худ идома медиҳад.
Ба гузориши хабаргузории Тақриб, шайх Маҳдӣ ас-Сумайдаӣ, раиси Дорулифтои Ироқ, маросими ифтитоҳияи 39-умин Конфронси байналмилалии ваҳдати исломӣ гуфт: “Мебинем, ки ҷиноёти бешуморе аз сӯйи душмани саҳюнистӣ дар Ғазза ва нуқоти дигари ҷаҳон рух медиҳад, аммо мутаассифона ҳеч садое аз соири кишварҳо шунида намешавад.”
Муфтии Ироқ дар идома бо таъкид бар ин ки акнун уммати исломӣ дар шароити душворе қарор дорад, тасреҳ кард: “Бояд ҳамаи мусалмонон яксадо ва ҳамсӯ бо якдигар, дар муқобили душман биистанд, зеро душман бо ғурури беҷойи худ ба худ ҷуръат дода ва раҳбарон ва бузургони кишварҳои исломиро таҳдид мекунад ва ин бад-он далел аст, ки умматҳо дар хоби амиқе фурӯ рафтаанд.”
Вай бо баёни ин ки мусалмонон акнун мутафарриқ шуда ва якдигарро ба қатл мерасонанд, гуфт: “Ҳамин амр боис шуда, ки баҳона ба дасти ғарбиҳо биафтад, ки мусалмонон худашон худро тахриб мекунанд.”
Маҳдӣ ас-Сумайдаӣ дар идома аз Худованди Мутаол дархост кард, ки мусалмононро аз хоби ғафлат бедор созад, то битавонанд ин бори сангине, ки бар дӯши онҳо гузошта шуда аст-ро бар ӯҳда бигиранд. Вай ҳамчунин аз Худованди Мутаол хост, то ин конфронс дар аҳдофи худ муваффақ шавад ва муҷаддадан ваҳдат ба мусалмонон бозгардад, то ҳама якпорча ва муттаҳид шаванд.”
Муфтии аҳли суннати Ироқ дар поён таъкид кард: “Мо бояд ба ваҳдати мусалмонон “оре” гуфта ва бо радди истикбори ҷаҳонӣ, ба ғарб ва мустакбирин “на” бигӯем.”
tajnek.com
Тоҷнек
