Оё шумо шараф доред?
Ёддошти Сайидюнус Истаравшанӣ дар ҳошияи ҳамлаи Амрико ба кишвари Венесуэла
Инсони бошараф, инсони мӯҳтарам ва инсоне, ки барои худаш каромат қоил аст, ӯ мавзеъ ва мавқеашро ҳаргиз бо ҷараёни дарё муайян намекунад, ба ин маъно, ки бибинад чӣ ҷараёне дар ҷаҳон ғолиб аст ва чӣ ҷараёне сару садояш баландтар аст, ки вақте дид, як ҷараён ғолиб аст ва аз имконоти зиёд бархӯрдор аст, ин одам низ баъд мавзеи худашро тибқи ҳамин ҷараён муайян кунад, ҳарчанд ҷараён ҷараёни нодуруст ва зӯргӯе бошад. Набояд инсон чунин бошад.
Алъон ҷараёни Тромп ва амсолаш садояшон баланд аст ва аз имконоти зиёд барои эъмоли зӯр бархӯрдоранд, дар ҳоле, ки ҳама медонем ва шакку тардид надорем, ки ӯ зӯр мегӯяд. Кори имрӯзи ӯ дар мавриди Венесуэла як зӯргӯӣ ва як рафтори бисёр зишт аст. Баҳс, баҳси озодӣ ва ҳуқуқи башар ва аз ин қабил чизҳо нест.
Дар ин миён, афроде шурӯъ карданд ба интиқод аз Мадуро ва ин ки ӯ масалан диктотур буд ва аз ин ҳарфҳо, оё шумо шараф доред? Оё Тромп барои барпоии озодӣ ба Венесуэла ҳамла кард?
Ва аз ҳама таассуфовартар ин аст, ки бештари инҳо мусалмон – ва албатта мусалмони салафӣ ва низ “муборизоне” ҳастанд, ки алъон дар Урупо сокинанд.
Воқеан бароятон мутаассифам!
tajnek.com
Тоҷнек
