Покии руҳ
Мактаби инсоният
Ба Луқмони Ҳаким гуфтанд: Ту ғуломи фалон қабила нестӣ?
Гуфт: Бале.
Гуфтанд: Аз чӣ рӯ ба ин мақом (мақоми ҳикмат) расидаӣ?
Гуфт: Ростгӯӣ, амонатдорӣ, кори беҳуда накардан, пӯшидани чашм (аз номаҳрам ва айбҳои мардум), нигаҳдории забон ва маноати табъ.
Баъд идома дод: Ҳар кӣ аз ин поя камтар бошад, аз ман пойинтар аст ва ҳар кӣ бештар бошад, болотар ва ҳар кӣ дар ин рутба бошад, мисли ман аст.
***
Ҳар кӣ айби хеш ҷӯяд, руҳаш пок шавад.
***
Тамаъ озодро банда мекунад ва қаноат бардаро озод.
***
Забон ҳаҷмаш кучак ва гуноҳаш бузург аст.
***
Дӯсти ту касе аст, ки ба ту рост гӯяд, на тасдиқат кунад.
***
Дар хайр исроф нест, чунон ки дар исроф хайре нест.
***
Зиндагӣ иборат аст аз: соате, ки мегузарад ва номулойимоте, ки такрор мешаванд.
***
Агар нодонон сукут кунанд, ихтилоф аз миён бархезад.
***
Такмили ҷавонмардӣ ба ин аст, ки ҳаққи худро фаромӯш кунӣ ва ҳаққи дигаронро ба хотир супорӣ.
***
Чун ба касе бад кунӣ, онро бузург шуморӣ, ва чун ба ту бад кунанд, онро кучак ҳисобӣ.
***
Ҳар кӣ дар роҳи бародараш чоҳе биканад, худ дар он афтад.
***
Ҳар кӣ атояш зиёд бошад, дӯстони фаровон дорад.
***
Бандаи Ҳақ озод аст.
***
Барои нигаҳдории илм, ҳеч чиз чун базли он ба аҳлаш нест.
(Насоеҳ)
tajnek.com
Тоҷнек
