Обид ва сиддиқ
Суханони Паёмбари Акрам(с)
* Сиддиқ (яъне он ки гуфтор бо кирдораш мутобиқ аст) се нишона дорад: пӯшондани садақа (яъне агар садақа бидиҳад, ба сурати пинҳонӣ медиҳад), пинҳон кардани мусибат ва махфӣ намудани ибодат.
* Фосиқ се аломат дорад: фасодангезӣ, зиён расондан ба мардум, инҳироф аз роҳи рост.
* Фурӯмоя се нишона дорад: нофармонии Худо, озори ҳамсоя, ишқ ба саркашӣ ва ёғигарӣ.
* Нишонаи обид се чиз аст: дар бораи Худованд бар худ хашм гирад (ки чаро вазоифи бандагияшро анҷом намедиҳад) ва дар роҳи Худо душмани шаҳавот бошад ва қиёми намозро тӯл диҳад.
* Марди боихлос се аломат дорад: душмании мол, душмании дунё, кинаи гуноҳ.
* Олим се нишона дорад: ростгӯӣ, парҳез аз ҳаром, фурӯтанӣ дар баробари умуми мардум.
* Саховатманд се аломат дорад: гузашт ҳангоми қудрат, адои закот, дӯст доштани садақа.
* Рафиқи некӯ се нишона дорад: молашро пеш аз моли ту сарф кунад, обрӯяшро сипари обрӯят қарор диҳад ва ҷонашро фидои ҷонат кунад, илова бар онҳо, асроратро фош накунад.
* Фоҷир (табаҳкор) се аломат дорад: савганди дурӯғ ёд кунад, занонро бифиребад ва ба бегуноҳон тӯҳмат занад.
* Сангдил се аломат дорад: бар нотавон тараҳҳум накунад, ба андак насозад, панду андарз дар ӯ асар нагузорад.
tajnek.com
Тоҷнек
